بىرنەشە كۇن بۇرىن يرانداعى مۇناي وڭدەۋ زاۋىتتارى مەن جانارماي ساقتاۋ قويمالارىنا جاسالعان سوققىلاردان كەيىن ەرەكشە بۇلت پايدا بولىپ، ول تەك يران تۇرعىندارىن عانا ەمەس، باسقا ەلدەردى دە الاڭداتتى.
قازىرگى ۋاقىتتا بۇلت باياۋ تۇردە ورتالىق ازيا مەن قىتايعا قاراي جىلجىپ كەلەدى، دەپ حابارلايدى جەرگىلىكتى باق. قاۋىپ ءتونۋى مۇمكىن ەلدەردىڭ قاتارىندا – وزبەكستان، قازاقستان جانە قىرعىزستان بار.
ەسكە سالايىق، تەگەران مەن ءالبورز وڭىرلەرىندەگى مۇناي قويمالارىنا جاسالعان سوققىلاردان كەيىن يراننىڭ قىزىل جارتى اي ۇيىمى قىشقىلدى جاڭبىردىڭ پايدا بولۋ قاۋپى بار ەكەنىن ەسكەرتكەن بولاتىن. جارىلىستار مەن مۇناي قويمالارىنىڭ جانۋى سالدارىنان اتموسفەراعا ۋلى قوسىلىستاردىڭ كوپ مولشەرى – كومىرسۋتەكتەر، كۇكىرت پەن ازوت وكسيدتەرى تاراعان.
بۇل زاتتار سۋ بۋىمەن ارەكەتتەسكەن كەزدە قىشقىلدارعا اينالىپ، كەيىن قاۋىپتى جاۋىن-شاشىن تۇرىندە جەرگە ءتۇسۋى مۇمكىن.
قىشقىلدى جاڭبىر تەرىگە حيميالىق كۇيىك ءتۇسىرۋى، وكپەگە زيان كەلتىرۋى مۇمكىن. سونىمەن قاتار، جاۋعان ايماقتاعى وسىمدىكتەرگە دە ايتارلىقتاي زيان تيگىزەدى.
