قازاقستانداعى ەڭ ءىرى مۇناي كەن ورىندارىنىڭ ءبىرى — تەڭىزدە مۇناي ءوندىرۋ قايتا قالپىنا كەلتىرىلدى. بۇل تۋرالى جۋرناليستەرگە قازاقستاننىڭ ەنەرگەتيكا ءمينيسترى ەرلان اقكەنجەنوۆ مالىمدەدى، دەپ حابارلايدى "ادىرنا".
ءمينيستردىڭ ايتۋىنشا، قازىرگى ۋاقىتتا كەن ورنىندا تاۋلىگىنە شامامەن 120 مىڭ توننا مۇناي وندىرىلۋدە.
«تەڭىزدە مۇناي ءوندىرۋ قايتا قالپىنا كەلتىرىلدى. قازىرگى ۋاقىتتا كەن ورنىندا تاۋلىگىنە 120 مىڭ توننا كولەمىندە مۇناي ءوندىرىلىپ جاتىر»، –دەدى مينيستر.
اقكەنجەنوۆتىڭ ايتۋىنشا، كەن ورنىندا بولعان ءورتتىڭ سەبەپتەرىن انىقتاۋ بويىنشا ارنايى كوميسسيا تەرگەۋدى اياقتاپ جاتىر. رەسمي ناتيجەلەر جاقىن ۋاقىتتا جاريالانادى.
ەسكە سالايىق، 2026 جىلدىڭ قاڭتار ايىندا قازاقستانداعى تەڭىز كەن ورنىندا گازتۋربينالىق ەلەكتر ستانتسياسىنىڭ ەلەكتر گەنەراتورلارىندا ەكى رەت ءورت شىققان. ەكى وقيعا دا جەدەل تۇردە ءسوندىرىلىپ، زارداپ شەككەندەر بولماعان.
