يراكتىڭ ۇستىندە اقش اسكەري جانارماي قۇيعىش KC-135 ۇشاعى اپاتقا ۇشىراپ، ءتورت ادام قازا تاپتى. Report مالىمەتىنشە، بۇل تۋرالى اقش قارۋلى كۇشتەرىنىڭ ورتالىق كوماندوۆانيەسى (CENTCOM) X الەۋمەتتىك جەلىسىندەگى حابارلاماسىندا جاريالادى، دەپ حابارلايدى "ادىرنا".
«ۇشاقتا بولعان التى ەكيپاج مۇشەسىنەن تورتەۋى قازا تاپقانىن راستادىق. قۇتقارۋ جۇمىستارى جالعاسۋدا، اپاتتىڭ سەبەپتەرى تەرگەلۋدە»، – دەلىنگەن حابارلامادا.
سونىمەن قاتار، ولاردىڭ جەكە دەرەكتەرى جاقىن تۋىستارىنا حابارلانۋىنا دەيىن 24 ساعات بويى جاريالانبايتىنى ايتىلدى.
قۇتقارۋ كەزىندە حابارلانعانداي، اپاتقا ۇشىراعان امەريكالىق KC-135 Stratotanker ۇشاعىندا كەمىندە بەس ادام بولعان. ادەتتە مۇنداي ۇشاقتاردا 3–4 ەكيپاج مۇشەسى – ۇشقىش، ەكىنشى ۇشقىش جانە جانارماي قۇيعىش وپەراتور قىزمەت ەتەدى. كەيبىر ميسسيالار ءۇشىن قوسىمشا ەكيپاج مۇشەلەرى قاجەت بولۋى مۇمكىن. ۇشاق ءوزىنىڭ نەگىزگى فۋنكتسياسىنان بولەك، ترانسپورتتىق ماقساتتا جانە جارالانعانداردى ەۆاكۋاتسيالاۋ ءۇشىن دە قولدانىلادى.
CENTCOM حابارلاعانداي، قۇتقارۋ جۇمىستارى ءالى جالعاسۋدا، اپاتقا قاتىستى اسكەري قىزمەتكەرلەردىڭ زارداپ شەككەنى نەمەسە قازا تاپقانى تۋرالى ناقتى مالىمەت جوق.
ەسكە سالساق، اقش يرانعا قارسى اسكەري وپەراتسيا كەزىندە KC-135 ۇشاعىن جوعالتقان.
«CENTCOM KC-135 جانارماي قۇيعىش ۇشاعىنىڭ جوعالعانىن راستايدى. ينتسيدەنت «ەپيكالىق اشۋ» وپەراتسياسى كەزىندە، دوستىق اۋە كەڭىستىگىندە ورىن الدى. وقيعاعا ەكى اۋە كەمەسى قاتىسقان: بىرەۋ اپاتقا ۇشىراپ، يراك باتىسىندا قۇلادى، ەكىنشىسى امان-ەسەن قوندى. بۇل وقيعا قارسىلاس نەمەسە دوستىق وگنەمەن بايلانىستى ەمەس»، – دەپ جازىلعان حابارلامادا.
