İraktıŋ üstınde AQŞ äskeri janarmai qūiǧyş KC-135 ūşaǧy apatqa ūşyrap, tört adam qaza tapty. Report mälımetınşe, būl turaly AQŞ Qaruly Küşterınıŋ Ortalyq komandovaniesı (CENTCOM) X äleumettık jelısındegı habarlamasynda jariialady, dep habarlaidy "Adyrna".
«Ūşaqta bolǧan alty ekipaj müşesınen törteuı qaza tapqanyn rastadyq. Qūtqaru jūmystary jalǧasuda, apattyŋ sebepterı tergelude», – delıngen habarlamada.
Sonymen qatar, olardyŋ jeke derekterı jaqyn tuystaryna habarlanuyna deiın 24 saǧat boiy jariialanbaityny aityldy.
Qūtqaru kezınde habarlanǧandai, apatqa ūşyraǧan amerikalyq KC-135 Stratotanker ūşaǧynda kemınde bes adam bolǧan. Ädette mūndai ūşaqtarda 3–4 ekipaj müşesı – ūşqyş, ekınşı ūşqyş jäne janarmai qūiǧyş operator qyzmet etedı. Keibır missiialar üşın qosymşa ekipaj müşelerı qajet boluy mümkın. Ūşaq özınıŋ negızgı funksiiasynan bölek, transporttyq maqsatta jäne jaralanǧandardy evakuasiialau üşın de qoldanylady.
CENTCOM habarlaǧandai, qūtqaru jūmystary älı jalǧasuda, apatqa qatysty äskeri qyzmetkerlerdıŋ zardap şekkenı nemese qaza tapqany turaly naqty mälımet joq.
Eske salsaq, AQŞ İranǧa qarsy äskeri operasiia kezınde KC-135 ūşaǧyn joǧaltqan.
«CENTCOM KC-135 janarmai qūiǧyş ūşaǧynyŋ joǧalǧanyn rastaidy. İnsident «Epikalyq aşu» operasiiasy kezınde, dostyq äue keŋıstıgınde oryn aldy. Oqiǧaǧa ekı äue kemesı qatysqan: bıreu apatqa ūşyrap, İrak batysynda qūlady, ekınşısı aman-esen qondy. Būl oqiǧa qarsylas nemese dostyq ognemen bailanysty emes», – dep jazylǧan habarlamada.
