AQŞ qorǧanys ministrlıgı Qytai men Reseidıŋ iadrolyq qaru sanyn arttyryp, auyr bombalauşy ūşaqtardy üzdıksız jasauy jahandyq soǧysqa äkele jatqanyn mälımdedı. Būl turaly äigılı Daily Mail gazetınde jazylǧan.
"Soltüstık Koreia zymyran synaqtaryn arttyrsa, İrannyŋ uran baiytu jūmystary da toqtar emes, būnyŋ barlyǧy da adamzatty jahandyq soǧysqa jaqyndata tüsedı" deidı olar.
Qūjatta AQŞ 2010 jyly iadrolyq qaruy bar eldermen atom sanyn azaituǧa qatysty kelıssözder jürgızuge tyrysqany, alaida basqa kelıssözden derjavalar bas tartyp, kerısınşe iadrolyq qaru sanyn eselep arttyra tüskenı aitylady. Nätijesınde bırneşe aimaqta iadrolyq qaruy bar oiynşylardyŋ özara soǧys jürgızu qaupı artqan.
"AQŞ üşın eŋ qauıptı ekı el ol Resei men Qytai, öitkenı olardyŋ jaŋa tehnologiiany iemdenuıne mümkındıkterı jetkılıktı" deidı sarapşylar. Resei iadrolyq zariadty tasymaldaityn zymyrandar türın arttyrsa, Qytai özınıŋ jaŋa zymyrandaryn jasap jatyr deidı mamandar.
"Älemdegı iadrolyq qaqtyǧys mümkındıgı jyl ötken saiyn artyp kele jatyr. Iаdrolyq qarudyŋ ırı derjavalardan bölek, terrorlyq toptardyŋ qolyna tüsu qaupı de bar. Būl sözsız jaŋa jaHandyq soǧystyŋ qaqpasy bolmaq" delıngen qūjatta.
"Adyrna" ūlttyq portaly
Ūqsas jaŋalyqtar
