AQŞ-tyŋ Kaliforniia ştatyndaǧy Santa-Monika qalasynda Waymo kompaniiasyna tiesılı jürgızuşısız avtokölık mektep maŋynda joldan ötıp bara jatqan balany qaǧyp kettı. Oqiǧa besınşı buyndaǧy, jürgızuşı-operatory joq ūşqyşsyz avtomobildıŋ qatysuymen bolǧan.
Kompaniianyŋ mälımetınşe, kölık qozǧalys kezınde jyldamdyǧyn 27 km/saǧ-tan 10 km/saǧ-tan tömen deŋgeige deiın azaitqan. Sonyŋ nätijesınde bala jeŋıl jaraqat alǧan. Waymo būl oqiǧa turaly AQŞ-tyŋ Ūlttyq jol qozǧalysy qauıpsızdıgı basqarmasyna (NHTSA) resmi türde habarlaǧan.
Waymo öz esebınde arnaiy modeldeuge süiene otyryp, däl osyndai «eles jaiau jürgınşı» ssenariiınde mınsız adam-jürgızuşı balany şamamen 22,5 km/saǧ jyldamdyqpen qaǧar edı dep körsetken. Kompaniianyŋ pıkırınşe, mūndai soqqy anaǧūrlym auyr jaraqattarǧa äkeluı mümkın bolǧan.
Oqiǧadan keiın Ūlttyq jol qozǧalysy qauıpsızdıgı basqarmasy mektep oquşylaryn äkelu jäne äketu uaqytynda kämeletke tolmaǧan jaiau jürgınşılerdıŋ qauıpsızdıgıne qatysty Waymo kompaniiasynyŋ äreketterın tekseru üşın resmi tergeu bastady. Tergeu jūogızuşısız kölıkterdıŋ mektep maŋyndaǧy qozǧalys erejelerın qanşalyqty dūrys saqtaitynyn baǧalauǧa baǧyttalǧan.
Sonymen qatar Waymo özınıŋ damu josparlaryn da jariialady. Kompaniia 2026 jylǧa qarai servistıŋ jūmys aimaǧyn 12 qalaǧa deiın keŋeitudı közdep otyr. Jaqyn uaqytta San-Fransisko halyqaralyq äuejaiynda taŋdalǧan paidalanuşylar üşın jürgızuşısız saparlar ūsynylmaq.
Būdan bölek, bır jyl ışınde Waymo 13 kamera, 6 radar jäne 4 lidarmen jabdyqtalǧan altynşy buyndaǧy ūşqyşsyz kölıgın ıske qosudy josparlap otyr. Al 2024 jyldyŋ törtınşı toqsanynda kompaniia London qalasynda robotaksi qyzmetın ıske qosudy közdeidı.
Atalǧan oqiǧa jürgızuşısız kölıkterdıŋ qauıpsızdıgı, äsırese balalar köp şoǧyrlanatyn aimaqtardaǧy qozǧalysy mäselesıne qoǧam nazaryn qaita audartty.
