BŪŪ Qauıpsızdık Keŋesınıŋ Ukrainadaǧy jaǧdaiǧa arnalǧan otyrysy qarsaŋynda 51 memleket Reseidıŋ Ukrainadaǧy beibıt tūrǧyndar men azamattyq infraqūrylymǧa jasalǧan şabuyldaryna alaŋdauşylyq bıldırdı, dep habarlaidy "Adyrna".
DW mälımetınşe, Qara teŋızdegı sauda kemelerınıŋ qauıpsızdıgın qamtamasyz etuge şaqyrdy.
Bırlesken mälımdeme 23 qyrküiekte Niu-Iorkte BŪŪ Bas Assambleiasynyŋ joǧary deŋgeidegı aptalyǧy aiasynda jariialandy. Qūjatty Europalyq odaqtyŋ syrtqy ıster jäne qauıpsızdık saiasaty jönındegı joǧary ökılı Kaia Kallas tanystyrdy. Mälımdemege Europalyq odaq elderımen qatar Avstraliia, Kanada, Japoniia, Oŋtüstık Koreia, Jaŋa Zelandiia, Norvegiia, Ukraina jäne basqa memleketter qosyldy.
Qūjatta Reseidıŋ Ukraina aumaǧyndaǧy azamattyq nysandar men infraqūrylymǧa jasaǧan şabuyldaryna alaŋdauşylyq bıldırılgen. Memleketter halyqaralyq gumanitarlyq qūqyq talaptaryn saqtauǧa jäne beibıt tūrǧyndardy qorǧauǧa şaqyrdy.
Sondai-aq mälımdemede Qara teŋızdegı şabuyldarǧa erekşe nazar audarylǧan. Qol qoiǧan memleketter teŋızdegı jaǧdaidyŋ Ukrainanyŋ astyq eksportyna äser etıp, älemdık azyq-tülık qauıpsızdıgıne qauıp töndıruı mümkın ekenın atap öttı.
Osyǧan bailanysty taraptar Qara teŋızde erkın keme qatynasyn qamtamasyz etuge baǧyttalǧan kelısımder jasau jönındegı küş-jıgerdı qoldaitynyn mälımdedı. Sonymen qatar sauda kemelerı men öŋırdegı maŋyzdy infraqūrylymdy qorǧauǧa şaqyrdy.
Europalyq odaqtyŋ mälımetınşe, Ukraina auyl şaruaşylyǧy önımderın älemdık naryqqa şyǧaruda maŋyzdy röl atqarady. Eldıŋ astyq eksportynyŋ basym bölıgı Qara teŋız arqyly jüzege asyrylady.
