ۇلىتاۋ وبلىسىندا تۇرعىنداردى الەۋمەتتىك ماڭىزى بار ازىق-تۇلىك ونىمدەرىمەن قولجەتىمدى باعامەن قامتاماسىز ەتۋ ماقساتىندا جەڭىلدەتىلگەن جارمەڭكە ۇيىمداستىرىلدى.
جارمەڭكەگە جەرگىلىكتى اۋىل شارۋاشىلىعى تاۋار وندىرۋشىلەرى مەن كاسىپكەرلەر قاتىسىپ، ءوز ونىمدەرىن ۇسىندى. مۇندا ەت جانە ەت ونىمدەرى، تاۋىق ەتى، جۇمىرتقا، ءسۇت جانە ءسۇت ونىمدەرى، كوكونىس، جەمىس-جيدەك، ۇن جانە باسقا دا كۇندەلىكتى تۇتىناتىن ازىق-تۇلىك تاۋارلارى تومەندەتىلگەن باعامەن ساتىلدى.
تۇرعىندار قاجەتتى ونىمدەرىن نارىقتاعى باعادان تومەن باعامەن ساتىپ الىپ، ءتيىمدى ساۋدا جاساۋ مۇمكىندىگىنە يە بولدى. قالا تۇرعىندارى مۇنداي الەۋمەتتىك باستامالاردىڭ حالىق ءۇشىن ماڭىزدى ەكەنىن اتاپ ءوتىپ، ۇيىمداستىرۋشىلارعا ريزاشىلىقتارىن ءبىلدىردى.
ايتا كەتەيىك، تۇرعىنداردى ساپالى ءارى قولجەتىمدى ازىق-تۇلىكپەن قامتاماسىز ەتۋ ماقساتىندا مۇنداي جارمەڭكەلەر الداعى ۋاقىتتا دا تۇراقتى تۇردە ۇيىمداستىرىلىپ تۇرادى.
