بۇگىن ماڭعىستاۋ وبلىسىنىڭ قاراقيا اۋدانىندا ەڭبەك ادامدارى ساياسي ناۋقانعا بەلسەندى قاتىسىپ، ءوز ازاماتتىق تاڭداۋلارىن ءوندىرىس ورىندارىندا جاسادى. اۋدان اۋماعىنداعى مۇناي-گاز سالاسىندا ەڭبەك ەتەتىن جۇمىسشىلار ءۇشىن ارنايى جاعدايلار جاسالىپ، ولار وندىرىستىك ۇدەرىستەن قول ۇزبەي-اق داۋىس بەرۋ مۇمكىندىگىنە يە بولدى.
ءوڭىر ەكونوميكاسىنىڭ نەگىزگى تىرەكتەرىنىڭ ءبىرى سانالاتىن مۇناي سالاسىندا قىزمەت ەتەتىن جۇمىسشىلار تاڭعى ۋاقىتتان باستاپ ءوز ۋچاسكەلەرىندە داۋىس بەرىپ، ەل ومىرىندەگى ماڭىزدى ناۋقاننان تىس قالمايتىنىن كورسەتتى. كوپتەگەن مۇنايشىلار اۋىسىمارالىق ۋاقىتتى پايدالانىپ، ازاماتتىق بورىشتارىن ورىندادى.
سايلاۋ ۇدەرىسىنىڭ اشىق ءارى ۇيىمداسقان تۇردە ءوتۋى ءۇشىن ءوندىرىس ورىندارىندا بارلىق قاجەتتى شارالار قابىلداندى. ۋچاسكەلەر زاڭ تالاپتارىنا سايكەس جابدىقتالىپ، سايلاۋ كوميسسيالارى مەن باقىلاۋشىلار ءوز مىندەتتەرىن تالاپقا ساي اتقارۋدا.
مۇنايشىلاردىڭ ايتۋىنشا، ەل بولاشاعىنا بەيجاي قاراماي، ماڭىزدى قوعامدىق-ساياسي ناۋقاندارعا قاتىسۋ – ءاربىر ازاماتتىڭ جاۋاپكەرشىلىگى. سوندىقتان ولار وندىرىستەگى قاربالاسقا قاراماستان داۋىس بەرۋگە ۋاقىت تاۋىپ، ءوز تاڭداۋلارىن جاساۋدا.
