پرەزيدەنت قاسىم-جومارت توقاەۆ تۇركىستان وبلىسىنىڭ جۇرتشىلىعىمەن كەزدەسۋ بارىسىندا مەملەكەتتىك ناگرادالار قاتارىنا قوجا احمەت ياساۋي وردەنى ەنگىزىلەتىنىن مالىمدەدى، دەپ حابارلايدى "ادىرنا" ۇلتتىق پورتالى.
پرەزيدەنتتىڭ ايتۋىنشا، جاڭا وردەن بەلگىلى وتاندىق جانە شەتەلدىك عالىمدارعا، مەملەكەت جانە قوعام قايراتكەرلەرىنە تابىستالاتىن بولادى. ونىڭ مارتەبەسى جوعارى بولۋى ءتيىس.
"وسى تاريحي تۇلعاعا جوعارى ساپالى تۋىندىلاردى جانە فيلمدەردى ارناۋىمىز كەرەك. ەلىمىزدىڭ ءاربىر وبلىسىندا قوجا احمەت ءياساۋيدىڭ بىرەگەي زياتكەرلىك مۇراسىنا ارنالعان وقۋلاردى ۇيىمداستىرۋ قاجەت.
مەن جاقىن ارادا مەملەكەتتىك ناگرادالار قاتارىنا قوجا احمەت ياساۋي وردەنىن ەنگىزۋ جونىندە جارلىققا قول قويامىن. بۇل جوعارى ماراپات بەلگىلى وتاندىق جانە شەتەلدىك عالىمدارعا، مەملەكەت جانە قوعام قايراتكەرلەرىنە تاپسىرىلادى. بۇل وردەننىڭ مارتەبەسى جوعارى بولۋعا ءتيىس", - دەدى پرەزيدەنت ءوز سوزىندە.
مەملەكەت باسشىسىنىڭ سوزىنشە، بۇل باستامالار ۇلتتىق قۇندىلىقتاردى دارىپتەۋگە جانە تاريحي تۇلعالاردىڭ مۇراسىن كەڭىنەن تانىتۋعا باعىتتالعان.
ۇقساس جاڭالىقتار
