Prezident Qasym-Jomart Toqaev Türkıstan oblysynyŋ jūrtşylyǧymen kezdesu barysynda memlekettık nagradalar qataryna Qoja Ahmet Iаsaui ordenı engızıletının mälımdedı, dep habarlaidy "Adyrna" ūlttyq portaly.
Prezidenttıŋ aituynşa, jaŋa orden belgılı otandyq jäne şeteldık ǧalymdarǧa, memleket jäne qoǧam qairatkerlerıne tabystalatyn bolady. Onyŋ märtebesı joǧary boluy tiıs.
"Osy tarihi tūlǧaǧa joǧary sapaly tuyndylardy jäne filmderdı arnauymyz kerek. Elımızdıŋ ärbır oblysynda Qoja Ahmet Iаsauidıŋ bıregei ziiatkerlık mūrasyna arnalǧan oqulardy ūiymdastyru qajet.
Men jaqyn arada memlekettık nagradalar qataryna Qoja Ahmet Iаsaui ordenın engızu jönınde Jarlyqqa qol qoiamyn. Būl joǧary marapat belgılı otandyq jäne şeteldık ǧalymdarǧa, memleket jäne qoǧam qairatkerlerıne tapsyrylady. Būl ordennıŋ märtebesı joǧary boluǧa tiıs", - dedı Prezident öz sözınde.
Memleket basşysynyŋ sözınşe, būl bastamalar ūlttyq qūndylyqtardy därıpteuge jäne tarihi tūlǧalardyŋ mūrasyn keŋınen tanytuǧa baǧyttalǧan.
Ūqsas jaŋalyqtar
