Ötken kezeŋnıŋ öktem jyldary men ölara şaǧynda «tolarsaqtan saz keşken» sarbazdardyŋ eren erlıgın ūlt pen ūrpaq jadynan öşpeitını anyq. Qaita jürdek uaqyt aǧysy alǧa jyljyp, kündelıktı küibeŋ tırşılık türlengen saiyn jaŋǧyryp, qoǧamdyq-saiasi qūnyn artyryp otyrǧanyn baiqaimyz. Biyl, barşamyz belgılı, Auǧan aimaǧynan kezındegı Keŋes äskerınıŋ şyǧarylǧanyna 35 jyl toldy.
Ruhy biık, bolmysy asqaq ärbır ardagerdıŋ eren erlıgı tarih betterınde qattalyp, qaitpas qaisarlyqtyŋ nyşanyna ainaldy. Onyŋ üstıne, jyl saiyn memlekettıŋ, el basşysynyŋ qoldauymen Auǧan soǧysynyŋ ardagerlerıne qoldau körsetılıp keledı. Naqty aitqanda, bes qazaqstandyqqa Keŋes Odaǧynyŋ Batyry ataǧy berıldı, 1 adam «Halyq Qaharmany» ataǧyn aldy, ekı azamat «Aibyn» ordenınıŋ tolyq iegerı atandy, jüzdegen azamattar būrynǧy KSRO jäne Qazaqstan Respublikasynyŋ ordenderımen jäne medaldarymen marapattaldy.
QR Densaulyq saqtau ministrlıgı de öz tarapynan Auǧan soǧysynyŋ şielenısınde şiraǧan ardagerlerımızge barynşa qyzmet körsetıp otyr. Mausym saiyn Otan soǧysynyŋ ardagerlerıne arnalǧan respublikalyq klinikalyq gospitalınde ardaqty ardagerlerımız tūraqty türde sapaly em qabyldaidy. Emhanada ardagerlerımızdıŋ jan saulyǧy men tän saulyǧyn saqtau üşın barlyq jaǧdai jasalǧan.
Sonymen qatar, Densaulyq saqtau ministrlıgı jäne gospital ūjymynyŋ ūiymdastyruymen jäne «Amanat» partiiasynyŋ «Ardagerlerdı ardaqtaiyq» jobasynyŋ aiasynda toǧyzynşy aqpanda Auǧan soǧysyna qatysqan ardagerlerımızdıŋ qūrmetıne orai «Auǧannyŋ asuynda ot keşkender» atty keş öttı. Tarihi taǧylymy mol ıs-şarada elımızdıŋ är tarabynan kelgen ardagerler bas qosyp, ötken künnıŋ estelıkterıne üŋıldı, täuelsızdık tartu etken beibıt künnıŋ berekesıne boi jylytty. Bar aimaqtan kelgen ardagerdıŋ basy bırıkken saltanatty jiyndy Ūlttyq qauıpsızdık komitetı, Şekara akademiiasynyŋ äskeri orkestrı ruhty äuen, äsem sazben kömkerdı. Auyr amanat arqalap, ömır men ölım qaişylasqan qandy şaiqasqa qatynasqan Majitov Marat, Atykanov Alik, Abduşukurov Murat, Darkenbaev Baidaulet, Aidarbaev Almasbek, Sailan Bolat, Qūnanbai Jūmat, Maǧūlūmov Düisen, Saibekov Marat, Takirbasov Bahyt, Tanabaev Altynbek, Muhambetkaliev Kazbek, Perminov Valerii, Aidabosyn Nauryzbai, Janabaev Asylhan, Smakov Mahat, Şyltynaev Toktabai syndy ardagerlerımızge alǧys hat jäne baǧaly syilyqtar tabystaldy.
Gospital basşysy Gauhar Tazabekqyzy maidangerlerdıŋ biık bolmys, märt tūlǧa, batyr beinesı jaily aita kelıp:
- Auǧan soǧysy ardagerlerınıŋ jürıp ötken joly, önegelı ömırı men ereŋ eŋbegı – bızdıŋ mekemenıŋ berekesı dep aitsaq artyq emes. Būl tarihi künnıŋ män-maŋyzy tym tereŋde jatyr. Sondyqtan da halyq üşın Auǧan soǧysy ardagerlerı – joǧary ruhtyŋ körınısı. Auǧan soǧysynyŋ qaharmandaryn qadırlep, ruh jasampazdyǧyn jaŋǧyrtaiyq! –dep özınıŋ ızgı tılegın jaudyrdy.
Keiınnen jiylǧan qauym men ardagerlerdıŋ qūrmetıne aq halattylar öz önerın paş ettı. Köpbeiındı oŋaltu bölımınıŋ meiırbikesı Sovet Aidyn «Auǧanstan» änın şyrqasa, nevrologiia bölımınıŋ qyzmetkerı Torokulova Minira «Auǧanstan qasıretı», terapiia bölımınıŋ aǧa meiırbikesı Baltabai Möldır «Än sal sarbaz», klinika-diagnostikalyq bölım meiırbikelerı «Alǧa qazaq jıgıtterı» änın şyrqady.
Sonymen qatar, sazdy keştıŋ saryny, taǧlymdy kezdesudıŋ tälımıne boilaǧan ardagerler gospital qyzmetkerlerınıŋ sapaly qyzmetıne sai berılgen marapatyn tabystady. Jyly lebız bıldırıp, gospital äkımşılıgı men ūjymǧa alǧysyn jaudyrdy.
Keş soŋynda estelıkter aitylyp, ūzaq uaqytqa deiın ardagerler özara qauqyldasyp jatty. Sol künı, rasynda, köpşılık qūndy keştı ǧana qyzyqtap qoimady, önerpazdardyŋ ystyq yqylasy, meimanasy tasyǧan ardagerler men ızettı därıgerler qauymynyŋ ärbır äreketı erlıktıŋ daŋqy mäŋgı öşpeitının aiǧaqtap tūrdy.
Dastan Qastai “Adyrna” ūlttyq portaly
Ūqsas jaŋalyqtar
