ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى 2026 جىلعى 7 ساۋىردە «قايىم مۇحامەدحانوۆ حح عاسىرداعى قازاقستان تاريحىندا جانە ونىڭ عىلىمي-مادەني مۇراسى» اتتى حالىقارالىق عىلىمي-تاجىريبەلىك كونفەرەنتسيا وتكىزەدى.
عالىمنىڭ تاريحي ميسسياسى جانە وزەكتىلىگى.
قايىم مۇحامەدحانوۆ (1916–2004) – عالىم، 1945 جىلعى قازاق كسر مەملەكەتتىك گيمنى ءماتىنىنىڭ اۆتورى، 1940 جىلى سەمەي قالاسىندا العاشقى مەملەكەتتىك اباي ادەبي-مەموريالدىق مۋزەيىن ۇيىمداستىرۋشى، زەرتتەۋشى-تەكستولوگ، اقىن، جازۋشى، دراماتۋرگ، اۋدارماشى، ۇستاز-تالىمگەر جانە قوعام قايراتكەرى. ق. مۇحامەدحانوۆتىڭ عىلىمي جانە مادەني مۇراسى، ونىڭ وتانعا دەگەن قىزمەتى XXI عاسىردا دا ايرىقشا وزەكتىلىگىن جوعالتقان ەمەس. ونىڭ سان قىرلى قىزمەتى ۇلتتىق مادەنيەتتى ساقتاۋمەن، ماڭىزدى تاريحي قۇجاتتار مەن ماتەريالداردى عىلىمي اينالىمعا ەنگىزىپ، جۇيەلەۋمەن تىعىز بايلانىستى.
ونىڭ مۇراسىن عىلىمي سالادا (تاريحي، فيلوسوفيالىق، پسيحولوگيالىق جانە ت.ب.) كەشەندى پانارالىق تۇرعىدا زەرتتەيتىن دەربەس باعىت – «قايىمتانۋدى» قالىپتاستىرۋ قاجەتتىگى اتاپ كورسەتىلەدى. ءبىلىم بەرۋ سالاسىندا عالىمنىڭ تاعدىرى مەن عىلىمي-مادەني مۇراسىن قازاقستان تاريحى جانە ساباقتاس پاندەر كۋرستارىندا جۇيەلى تۇردە وقىتۋ قاجەتتىگى تۋىنداپ وتىر.
كونفەرەنتسيا عالىم مۇراسىن عىلىمي تۇرعىدان زەردەلەۋگە جانە ونىڭ تۇلعاسىنىڭ قازاقستان تاريحىنداعى ءرولىن زەرتتەۋگە ارنالعان ماڭىزدى الاڭ بولماق. بۇل مادەنيەتتە، عىلىمدا جانە ءبىلىم بەرۋ سالاسىندا تاريحي جادتى ساقتاۋدا ايرىقشا مانگە يە.
ءىس-شارانىڭ ماقساتى: تاريح عىلىمى مەن تاۋەلسىز قازاقستاننىڭ ۇلتتىق مادەنيەتىنىڭ دامۋىنا ۇلەس قوسۋ; عىلىمداعى ەتيكا مەن رۋحاني-تاريحي ساباقتاستىقتى ساقتاۋ ارقىلى «ادال ازاماتتى» تاربيەلەۋگە ىقپال ەتۋ.
كونفەرەنتسيانىڭ مىندەتتەرى:
– ق. مۇحامەدحانوۆتىڭ اتىن جانە ەڭبەكتەرىن ماڭگى ەستە ساقتاۋ ىسىندە تاريحي ادىلدىكتى ساقتاۋ.
– ق. مۇحامەدحانوۆتىڭ عىلىم مەن ءبىلىمدى ساقتاۋ مەن دامىتۋعا قوسقان سان قىرلى ۇلەسىن قاراستىرۋ.
– ق. مۇحامەدحانوۆ تۋرالى ماتەريالداردى جوعارى وقۋ ورىندارى مەن مەكتەپتەردە قازاقستان تاريحى وقۋلىعىنا ەنگىزۋدىڭ قاجەتتىلىگىن نەگىزدەۋ.
– عالىمنىڭ تاريحي ساباقتاستىعى، تاعدىرى جانە حالقىنا قىزمەتىن عىلىمي تۇرعىدان زەردەلەۋ (ونىڭ ىشىندە «اكە مەن بالا»، «ەر قازاق»، «ۇستاز بەن شاكىرت»، «اباي–الاش»، «رۋحاني ساباقتاستىق» تاقىرىپتارىنداعى باعىتتار شەڭبەرىندە).
– ق. مۇحامەدحانوۆ 1950 جىلدارداعى عالىمدار مەن شىعارماشىلىق قىزمەتكەرلەرىنە قارسى رەپرەسسيا كەزەڭىندە.
– 1960–1980 جىلدارداعى كەڭەس داۋىرىندەگى عالىمنىڭ تاعدىرى.
– قازىرگى كەزەڭدەگى ق. مۇحامەدحانوۆ مۇراسىنىڭ وزەكتىلىگى.
عالىمداردى، وقىتۋشىلاردى، عىلىمي-زەرتتەۋ ينستيتۋتتارىنىڭ قىزمەتكەرلەرىن، دوكتورانتتاردى، ماگيسترانتتاردى، جاس زەرتتەۋشىلەردى جانە بارلىق مۇددەلى تۇلعالاردى كونفەرەنتسيا جۇمىسىنا قاتىسۋعا شاقىرامىز.
وتەتىن ورنى: 050100, الماتى ق.، شەۆچەنكو كوشەسى، 28, «عىلىم ورداسى» عيماراتى، ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى (3-قابات، كىشى كونفەرەنتس-زال)
كونفەرەنتسيا جۇمىسىنىڭ باستالۋى – 11:00, قاتىسۋشىلاردى تىركەۋ – 10:30.
