ءبىلىم بەرۋ ۇيىمدارىندا مەكتەپ ءبىتىرۋ ءىس-شارالارىن وتكىزۋ تۋرالى تالاپتار ناقتىلاندى. بۇل تۋرالى وقۋ-اعارتۋ مينيسترلىگى ايتتى، دەپ حابارلايدى «ادىرنا» ءتىلشىسى.
«اتتەستاتتاردى تابىستاۋ ءراسىمى تەك ءبىلىم بەرۋ ۇيىمدارىنىڭ عيماراتتارىندا ۇيىمداستىرىلادى. ءبىلىم الۋشىلاردان، ولاردىڭ اتا-انالارىنان نەمەسە زاڭدى وكىلدەرىنەن قاراجات جانە وزگە دە ماتەريالدىق قۇندىلىقتاردى جيناۋعا قاتاڭ تىيىم سالىنادى»،- دەلىنگەن حابارلامادا.
بەلگىلەنگەن تالاپتارعا سايكەس، ءبىتىرۋ كەشتەرىن ءبىلىم بەرۋ ۇيىمدارىنان تىس جەرلەردە ۇيىمداستىرۋعا جول بەرىلمەيدى.
مينيسترلىكتىڭ مالىمەتىنشە، جەرگىلىكتى اتقارۋشى ورگاندارعا قارجىلىق شىعىنداردى تالاپ ەتپەيتىن تاربيەلىك جانە مادەني-اعارتۋشىلىق ءىس-شارالاردى ۇيىمداستىرۋ جانە ءتۇسىندىرۋ جۇمىستارىن جۇرگىزۋ تاپسىرىلعان.
سۋرەت: gov.kz
ۇقساس جاڭالىقتار
