گرەكيا پرەمەر-ءمينيسترى كيرياكوس ميتسوتاكيس ەلدە 15 جاسقا دەيىنگى بالالاردىڭ الەۋمەتتىك جەلىلەرگە كىرۋىنە تىيىم سالىناتىنىن مالىمدەدى، دەپ حابارلايدى «ادىرنا» ءتىلشىسى euronews.com-عا سىلتەمە جاساپ.
ساۋالنامالار كورسەتكەندەي، ەرەسەكتەردىڭ 80%-دان استامى 15 جاسقا دەيىنگى بالالاردىڭ الەۋجەلىگە كىرۋىنە شەكتەۋ قويۋ يدەياسىن قولداعان.
ء«بىز كۇردەلى، بىراق قاجەتتى قادام جاساۋعا بەل بۋدىق. گرەكيا – الەمدە وسىنداي قادامعا العاش بارعان ەلدەردىڭ ءبىرى»، – دەدى پرەمەر-مينيستر.
كيرياكوس ميتسوتاكيستىڭ ايتۋىنشا، زاڭ جوباسى وسى جازدا پارلامەنتكە ەنگىزىلىپ، 2027 جىلعى 1 قاڭتاردان باستاپ كۇشىنە ەنەدى.
ء«بىزدىڭ ماقساتىمىز – سىزدەردى تەحنولوگيادان شەكتەمەي، كەيبىر قوسىمشالارعا دەگەن تاۋەلدىلىكتەن قورعاۋ. بالانىڭ ميى ەكران الدىندا ساعاتتاپ وتىرعان كەزدە دەمالمايدى. بۇنى عالىمدار دالەلدەگەن»، – دەدى ول.
گرەكيا ۇكىمەتىنىڭ باسشىسى اتا-انالارعا ۇندەۋ جاساپ، ەشقانداي زاڭ ولاردىڭ قامقورلىعىن الماستىرا المايتىنىن، مەملەكەت تەك قوسىمشا قۇرال ۇسىناتىنىن ايتتى.
ەسكە سالايىق، 2025 جىلعى جەلتوقساندا اۆستراليادا 16 جاسقا دەيىنگى بالالاردىڭ الەۋمەتتىك جەلىلەرگە كىرۋىنە تىيىم سالاتىن زاڭ كۇشىنە ەنگەن ەدى. ەلدىڭ ينتەرنەت رەتتەۋشىسىنىڭ حابارلاۋىنشا، اۆستراليادا قىزمەت كورسەتەتىن الەۋمەتتىك جەلىلەر بالالار مەن جاسوسپىرىمدەردىڭ اككاۋنتتارىن وشىرۋگە مىندەتتى. بۇل شارا فرانتسيا مەن دانيا سياقتى كەيبىر ەۋروپا ەلدەرىندە دە قولداۋ تاپقان، ولاردىڭ بيلىگى 2026 جىلى سايكەس زاڭداردى قابىلداۋدى جوسپارلاپ وتىر.
