ىشكى ىستەر مينيسترلىگى ينتەرپول ارنالارى ارقىلى ۆەتنام سوتسياليستىك رەسپۋبليكاسىنىڭ قۇقىق قورعاۋ ورگاندارىمەن ءوزارا ءىس-قيمىل ناتيجەسىندە كامران قالاسىندا زاڭسىز ويىن بيزنەسىن ۇيىمداستىرعانى ءۇشىن حالىقارالىق ىزدەۋدە بولعان بلوگەر قايسار قامزانى ۇستادى، دەپ حابارلايدى "ادىرنا".
پوليتسيا تاراتقان اقپاراتقا سۇيەنسەك، بلوگەر قايسار قامزا الەۋمەتتىك جەلىلەردە ونلاين-كازينولاردىڭ جارنامالىق بەينەماتەريالدارىن جۇيەلى تۇردە جاريالاپ، پايدالانۋشىلاردى قۇمار ويىندارعا تارتقان.
"زاڭسىز ارەكەتتەرىنىڭ ناتيجەسىندە كۇدىكتى 100 ملن تەڭگەدەن استام كولەمدە زاڭسىز تابىس تاپقان. اقشا ونىڭ اتىنا تىركەلگەن كريپتوۆاليۋتا ءاميانىنا اۋدارىلىپ وتىرعان", - دەدى ءىىم ءباسپاسوز قىزمەتى
قازىرگى ۋاقىتتا ونى قازاقستان رەسپۋبليكاسىنا ەكستراديتسيالاۋ ماسەلەسى قاراستىرىلۋدا.
ءىىم-دە اتاپ وتكەندەي، شەتەلگە جاسىرىنۋ ارەكەتتەرى قىلمىستىق جاۋاپكەرشىلىكتەن بوساتپايدى – ىزدەۋدە جۇرگەن ءاربىر ادام ۇستالىپ، قازاقستانعا جەتكىزىلەدى. بۇل تەك ۋاقىت ەنشىسىندەگى ماسەلە.
