قازاقستاندا اراب جانە پارسى تىلدەرىنەن ەنگەن سوزدەردى كۇندەلىكتى تۇرمىستا ءجيى قولدانۋ ءۇردىسى كۇشەيىپ كەلەدى. بۇل تۋرالى الەۋمەتتىك جەلىدە ءجيى تالقىلانادى، دەپ حابارلايدى "ادىرنا" ۇلتتىق پورتالى.
دەگەنمەن ءدىن وكىلدەرىنىڭ ايتۋىنشا، قازاق تىلىندە بالاماسى بار سوزدەردى ارابشا نۇسقامەن الماستىرۋ دۇرىس ەمەس.
ينفورمبيۋرو مالىمەتىنشە، “اۋىزاشار” ورنىنا “يفتار”، “سارەسى” ورنىنا “سۋحۋر” دەپ ايتۋ ءتىلدىڭ تابيعاتىنا قايشى كەلەدى.
“قىزىلجار” وبلىستىق ورتالىق مەشىتىنىڭ باس يمامى حامزات ادىلبەكوۆ ءدىني جانە تۇرمىستىق ۇعىمداردى اجىراتا ءبىلۋ قاجەت ەكەنىن اتاپ ءوتتى. ونىڭ سوزىنشە، قۇلشىلىققا قاتىستى ء“الحامدۋلليلا”، “اللاحۋ اكبار”، “سۋبحاناللا” سياقتى سوزدەر باستاپقى قالپىندا قولدانىلۋى ءتيىس. ال تۇرمىستا قالىپتاسقان قازاقى اتاۋلاردى وزگەرتۋ ورىنسىز.
يسلام عىلىمي-زەرتتەۋ ينستيتۋتى كەيبىر اراب سوزدەرى قازاق ادەبيەتىندە بۇرىننان قولدانىلىپ كەلە جاتقانىن ايتتى. ونىڭ پىكىرىنشە، بالاماسى جوق ءدىني ۇعىمداردى قابىلداۋعا بولادى، بىراق ولار قازاق ءتىلىنىڭ زاڭدىلىقتارىنا بەيىمدەلۋى كەرەك.
