Qazaqstanda arab jäne parsy tılderınen engen sözderdı kündelıktı tūrmysta jiı qoldanu ürdısı küşeiıp keledı. Būl turaly äleumettık jelıde jiı talqylanady, dep habarlaidy "Adyrna" ūlttyq portaly.
Degenmen dın ökılderınıŋ aituynşa, qazaq tılınde balamasy bar sözderdı arabşa nūsqamen almastyru dūrys emes.
İnformbiuro mälımetınşe, “auyzaşar” ornyna “iftar”, “säresı” ornyna “suhur” dep aitu tıldıŋ tabiǧatyna qaişy keledı.
“Qyzyljar” oblystyq ortalyq meşıtınıŋ bas imamy Hamzat Ädılbekov dıni jäne tūrmystyq ūǧymdardy ajyrata bılu qajet ekenın atap öttı. Onyŋ sözınşe, qūlşylyqqa qatysty “älhamdullila”, “allahu akbar”, “subhanalla” siiaqty sözder bastapqy qalpynda qoldanyluy tiıs. Al tūrmysta qalyptasqan qazaqy ataulardy özgertu orynsyz.
İslam ǧylymi-zertteu instituty keibır arab sözderı qazaq ädebietınde būrynnan qoldanylyp kele jatqanyn aitty. Onyŋ pıkırınşe, balamasy joq dıni ūǧymdardy qabyldauǧa bolady, bıraq olar qazaq tılınıŋ zaŋdylyqtaryna beiımdeluı kerek.
