Qazaqstan musylmandary dinı basqarmasynyń nazaryna
Almaty oblysynyń Talǵar aýdanyndaǵy Birlik aýlynyń turǵyndary Qazaqstan musylmandary dinı basqarmasynyń basshysy Naýryzbaı qajy Taǵanulynan kómek surap, aýyl ımanyn qyzmetten shettetýin suraıdy.
Hat mátini tómendegideı:
Qurmetti Bas múftı.
Almaty oblysy Talǵar aýdany Birlik aýylyndaǵy meshit ımamy keshe juma namaz ótkizdi. Juma namazdan keıin meshit mańynda qatymhana (kóp adam jınalyp as beretin qosymsha ǵımarat) salý jóninde bastama kóterip, sol qurylysqa ár úıden 30 myń teńgeden jınaýdy namazhandarǵa tapsyryp, úı-úıdi adaqtatyp jiberdi....
Imamnyń bul isi QR Prezıdenti Q.Toqaevtyń qytaıvırýs indetiniń jaıylýyn toqtatý úshin elde tótenshe jaǵdaı jarııalaý jónindegi jarlyǵyna qaıshy, halyqtyń qaýipsizdigine, densaýlyǵyna qater tóndirip tur.
Qurmetti Bas múftı.
Osy oqıǵaǵa baılanysty Birlik aýylyndaǵy meshit ımamyn qyzmetinen shettetip, qatal shara qabyldaýyńyzdy suraımyz.
Eger, tez arada ońdy sheshim qabyldamasańyz, onda azamattardyń amandyǵy men quqyqtaryn saqtaýdy kepildigine alǵan QR Prezıdenti Q.Toqaevtan zańdy syılamaıtyn basbuzar ımamǵa qatysty qatal shara qoldanýdy suraımyz.
Qurmetpen,
Birlik aýylynyń turǵyndary atynan jýrnalıst Oraz Álimbekov
"Adyrna" ulttyq portaly
