جۇما نامازعا زاڭسىز جيناعان

قازاقستان مۇسىلماندارى ءدىني باسقارماسىنىڭ نازارىنا

الماتى وبلىسىنىڭ  تالعار اۋدانىنداعى بىرلىك اۋلىنىڭ تۇرعىندارى قازاقستان مۇسىلماندارى ءدىني باسقارماسىنىڭ باسشىسى ناۋرىزباي قاجى تاعانۇلىنان كومەك سۇراپ، اۋىل يمانىن قىزمەتتەن شەتتەتۋىن سۇرايدى. حات ءماتىنى تومەندەگىدەي: قۇرمەتتى باس ءمۇفتي. الماتى وبلىسى تالعار اۋدانى بىرلىك اۋىلىنداعى مەشىت يمامى كەشە جۇما ناماز وتكىزدى. جۇما نامازدان كەيىن مەشىت ماڭىندا قاتىمحانا (كوپ ادام جينالىپ اس بەرەتىن قوسىمشا عيمارات) سالۋ جونىندە باستاما كوتەرىپ، سول قۇرىلىسقا ءار ۇيدەن 30 مىڭ تەڭگەدەن جيناۋدى نامازحاندارعا تاپسىرىپ، ءۇي-ءۇيدى اداقتاتىپ جىبەردى.... يمامنىڭ بۇل ءىسى قر پرەزيدەنتى ق.توقاەۆتىڭ قىتايۆيرۋس ىندەتىنىڭ جايىلۋىن توقتاتۋ ءۇشىن ەلدە توتەنشە جاعداي جاريالاۋ جونىندەگى جارلىعىنا قايشى، حالىقتىڭ قاۋىپسىزدىگىنە، دەنساۋلىعىنا قاتەر ءتوندىرىپ تۇر. قۇرمەتتى باس ءمۇفتي. وسى وقيعاعا بايلانىستى بىرلىك اۋىلىنداعى مەشىت يمامىن قىزمەتىنەن شەتتەتىپ، قاتال شارا قابىلداۋىڭىزدى سۇرايمىز. ەگەر، تەز ارادا وڭدى شەشىم قابىلداماساڭىز، وندا ازاماتتاردىڭ اماندىعى مەن قۇقىقتارىن ساقتاۋدى كەپىلدىگىنە العان قر پرەزيدەنتى ق.توقاەۆتان زاڭدى سىيلامايتىن باسبۇزار يمامعا قاتىستى قاتال شارا قولدانۋدى سۇرايمىز.

قۇرمەتپەن،

بىرلىك اۋىلىنىڭ تۇرعىندارى اتىنان جۋرناليست وراز الىمبەكوۆ

"ادىرنا" ۇلتتىق پورتالى