باس پروكۋراتۋرا بالالاردىڭ تەرەزەدەن قۇلاۋى جيىلەگەنىن ايتىپ، ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
كۇن جىلىعالى بەرى كوپقاباتتى ۇيلەردىڭ تەرەزەسىنەن بۇلدىرشىندەردىڭ قۇلاۋ دەرەگى كوبەيگەن
باس پروكۋراتۋرا ەرەسەكتەردىڭ بالانى قاراۋسىز قالدىرۋىنان قايعىلى وقيعا بولاتىنىن ايتتى. اسىرەسە جاندىكتەردەن قورعايتىن موسكيت تورلارىنا سەنۋ وتە قاۋىپتى. ويتكەنى ول بالانىڭ سالماعىن مۇلدەم كوتەرە المايدى.
قازىر قۇرىلىس زاڭدارىنا ساي جاڭادان سالىنعان ۇيلەردىڭ تەرەزەلەرىنە ارنايى قۇلىپتار ورناتىلۋى مىندەتتى. ال پاتەردىڭ ىشىندەگى قاۋىپسىزدىكتى ساقتاماعان ەرەسەكتەر زاڭ الدىندا جاۋاپ بەرەدى.
كامەلەتكە تولماعانداردىڭ قاۋىپسىزدىگىن قامتاماسىز ەتپەگەندەرگە 20 اەك (86 500 تەڭگە) كولەمىندە ايىپپۇل سالىنادى نەمەسە 10 تاۋلىككە دەيىن قاماۋعا الىنادى.
«بالالاردىڭ ءومىرى مەن دەنساۋلىعى ءۇشىن ءبىرىنشى كەزەكتە جاۋاپكەرشىلىك اتا-انالارعا جۇكتەلەتىنىن ءتۇسىنۋ قاجەت»، – دەپ حابارلادى باس پروكۋراتۋرا.
