كورنەكتى اقىن، دراماتۋرگ، قوعام قايراتكەرى، قازاقستاننىڭ ەڭبەك ەرى مۇحتار شاحانوۆ 84 جاسقا قاراعان شاعىندا دۇنيەدەن وزدى. قايىعىلى حاباردى مادەنيەت جانە اقپارات مينيسترلىگى جەتكىزدى، دەپ حابارلايدى "ادىرنا".
"مۇحتار شاحانوۆتىڭ قايسار مىنەزى، ءور رۋحى، ادىلەت جولىنداعى تاباندىلىعى مەن ەلدىك مۇددە الدىنداعى ادالدىعى جۇرت جادىندا ماڭگى ساقتالادى.
مارقۇمنىڭ جاتقان جەرى جايلى، توپىراعى تورقا بولسىن! اللانىڭ راقىمى مەن مەيىرىمى جولداس بولىپ، رۋحى پەيىشتە شالقىسىن!" دەلىنگەن مينيسترلىك حابارلاماسىندا.
مۇحتار شاحانوۆ - قازاق مادەنيەتىنە ولشەۋسىز ۇلەس قوسقان زاڭعار تۇلعا. ول ءوز عۇمىرىن شىعارماشىلىققا، ۇلت رۋحانياتىنا ارناپ، كەيىنگى ۇرپاققا ونەگە بولاتىن مول مۇرا قالدىردى. شىعارمالارى الەمنىڭ 50-دەن استام تىلىندە جارىق كوردى.
ۇقساس جاڭالىقتار
