ۇلىتاۋ وبلىسى پد ۇيىمداستىرۋىمەن وتكەن پىكىرتالاس سايىسى مەكتەپ وقۋشىلارى اراسىندا بۋللينگكە قارسى «نولدىك توزىمدىلىك» احۋالىن قالىپتاستىرۋدى كوزدەيدى. شارانىڭ نەگىزگى ماقساتى — ءبىلىم بەرۋ مەكەمەلەرىندە زاڭ ۇستەمدىگىن نىعايتۋ، جاسوسپىرىمدەردىڭ قۇقىقتىق ساۋاتتىلىعىن ارتتىرۋ جانە جاسوسپىرىمدەر اراسىنداعى كەز كەلگەن قىسىم كورسەتۋ فاكتىلەرىنە جول بەرمەۋ.
قوعامدا قۇقىقتىق ءتارتىپ ورناتۋ — تەك جازالاۋ ەمەس، ەڭ الدىمەن مادەنيەت پەن جاۋاپكەرشىلىكتى قالىپتاستىرۋ. دەباتقا قاتىسۋشى وقۋشىلار ەكى توپقا ءبولىنىپ، بۋللينگكە قارسى كۇرەستىڭ وتاندىق زاڭنامالىق تەتىكتەرى مەن حالىقارالىق وزىق تاجىريبەلەردى قولدانۋ تيىمدىلىگىن تالقىلادى. قاتىسۋشىلار كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ بويىنشا ناقتى ۇسىنىستارىن ءبىلدىردى.
جيىن بارىسىندا ساراپشى رەتىندە قاتىسقان ۇلىتاۋ وبلىسى پد پروفيلاكتيكالىق جۇمىستى ۇيلەستىرۋ باسقارماسىنىڭ باستىعى، پوليتسيا پولكوۆنيگى ەرعالي قوجابەكوۆ «زاڭ مەن ءتارتىپ» قاعيداتىنىڭ مەكتەپ قابىرعاسىنداعى ماڭىزدىلىعىنا توقتالدى: «ىشكى ىستەر ورگاندارىنىڭ باسىم باعىتتارىنىڭ ءبىرى — بالالاردىڭ قاۋىپسىزدىگىن قامتاماسىز ەتۋ.
بۇگىنگى شارا وقۋشىلاردىڭ قۇقىقتىق مادەنيەتىن قالىپتاستىرۋدا ماڭىزدى ءرول اتقارادى. «زاڭ مەن ءتارتىپ» قاعيداتى ءاربىر مەكتەپتىڭ بۇلجىماس ەرەجەسىنە اينالۋى ءتيىس. ءاربىر ءجاسوسپىرىم ءوز ارەكەتى ءۇشىن زاڭ الدىندا جاۋاپكەرشىلىك بارىن عانا ەمەس، زاڭمەن قورعالاتىنىن دا تەرەڭ ۇعىنۋى قاجەت. ءبىزدىڭ ماقساتىمىز — مەكتەپ ورتاسىندا زورلىق-زومبىلىققا ورىن قالمايتىنداي قۇقىقتىق سانانى قالىپتاستىرۋ»، — دەپ اتاپ ءوتتى پولكوۆنيك.
سونداي-اق، شاراعا ۇلىتاۋ وبلىسى پروكۋراتۋرا ورگاندارى ارداگەرلەر ۇيىمىنىڭ توراعاسى ەربولات بورىباەۆ جانە جەزقازعان قالاسى پروكۋراتۋراسىنىڭ اعا پروكۋرورى ۋاليحان سىرلىباي قاتىسىپ، وقۋشىلارعا قۇقىقتىق كەڭەس بەردى.
ساراپشىلار وقۋشىلاردىڭ ۇسىنىستارىن قاراستىرىپ، ولاردى پروفيلاكتيكالىق جۇمىستارعا ەنگىزۋ مۇمكىندىكتەرىن تالقىلادى. شارا سوڭىندا قۇقىق قورعاۋ ورگاندارى مەن ءبىلىم بەرۋ ۇيىمدارى اراسىنداعى ءوزارا ءىس-قيمىلدى نىعايتۋ بويىنشا بىرقاتار شەشىمدەر قابىلداندى.
«زاڭ مەن ءتارتىپ» قاعيداتىن تۋ ەتكەن بۇل باعىتتاعى جۇمىستار وبلىس كولەمىندە تۇراقتى تۇردە جالعاساتىن بولادى.
