پرەزيدەنت قاسىم-جومارت توقاەۆ پەن يتسحاك گەرتسوگ استانادا ورنالاسقان Alem.ai حالىقارالىق جاساندى ينتەللەكت ورتالىعىنا باردى، دەپ حابارلايدى "ادىرنا" ۇلتتىق پورتالى.
مەملەكەت باسشىلارى ورتالىقتىڭ قىزمەتىمەن تانىسىپ، مۇندا تالانتتاردى انىقتاۋ، دايارلاۋ جانە جاساندى ينتەللەكتكە نەگىزدەلگەن شەشىمدەردى جاھاندىق دەڭگەيدە دامىتۋعا دەيىنگى تولىق تەحنولوگيالىق تسيكل ىسكە اسىرىلاتىنى جونىندە اقپارات الدى. ساپار بارىسىندا يزرايل پرەزيدەنتىنە قازاقستاننىڭ تسيفرلاندىرۋ سالاسىنداعى جەتىستىكتەرى جانە جاساندى ينتەللەكت تەحنولوگيالارىن ەكونوميكا مەن الەۋمەتتىك سالاعا ەنگىزۋ باعىتىنداعى باستامالارى تانىستىرىلدى.
سونداي-اق تاراپتار Astana Smart City جوباسىنىڭ جۇزەگە اسۋ بارىسىمەن تانىستى. جوبا اياسىندا ەلوردانىڭ جاڭا ينتەللەكتۋالدى ينفراقۇرىلىمى قالىپتاستىرىلىپ، قالانى باسقارۋدا زاماناۋي تسيفرلىق شەشىمدەر ەنگىزۋ كوزدەلگەن.
