بۇگىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «بوس ورىندار جارمەڭكەسى – 2026» اتتى اۋقىمدى ءىس-شارا جوعارى دەڭگەيدە ءوتتى. جارمەڭكەگە ەلىمىزدىڭ تۇكپىر-تۇكپىرىنەن كەلگەن 250-گە جۋىق مەكەمە قاتىستى. ولاردىڭ قاتارىندا مەكتەپتەر، كوللەدجدەر، بالاباقشالار مەن ءبىلىم بەرۋ ۇيىمدارى بار. جۇمىس بەرۋشىلەر جارمەڭكەدە ءتۇرلى باعىتتاعى 1214 بوس جۇمىس ورنىن ۇسىندى.
ءىس-شارانىڭ ماقساتى – ءبىتىرۋشى تۇلەكتەردى ەڭبەك نارىعىمەن تىكەلەي بايلانىستىرۋ، جۇمىس بەرۋشىلەر مەن جاس ماماندار اراسىندا ءتيىمدى ارىپتەستىك ورناتۋ، سونداي-اق كاسىبي باعدار بەرۋ جۇمىستارىن جۇيەلى تۇردە دامىتۋ بولدى.
جارمەڭكەنىڭ اشىلۋىندا ۋنيۆەرسيتەتتىڭ اكادەميالىق قىزمەت جونىندەگى پرورەكتورى بانۋ ناربەكوۆا قۇتتىقتاۋ ءسوز سويلەپ، شارانىڭ ماڭىزدىلىعىنا ەرەكشە توقتالدى.
"بۇگىنگى «بوس ورىندار جارمەڭكەسى – 2026» – ۋنيۆەرسيتەتىمىزدىڭ ەڭبەك نارىعىمەن تىعىز ىقپالداستىعىن ايقىندايتىن ماڭىزدى ستراتەگيالىق الاڭ. قازىرگى تاڭدا ۋنيۆەرسيتەت 250-دەن استام جۇمىس بەرۋشى مەكەمەمەن تۇراقتى ارىپتەستىك ورناتىپ وتىر. سونىڭ ناتيجەسىندە سوڭعى وقۋ جىلىندا تۇلەكتەردى جۇمىسقا ورنالاستىرۋ كورسەتكىشى 95 پايىزعا جەتتى. بۇل – ساپالى ءبىلىم مەن تاجىريبەگە نەگىزدەلگەن دايارلىقتىڭ ناقتى جەمىسى", – دەدى پرورەكتور.
سونىمەن قاتار ول مۇنداي باستامالار ستۋدەنتتەردىڭ كاسىبي قالىپتاسۋىنا تىكەلەي ىقپال ەتەتىنىن اتاپ ءوتىپ:
ء"بىزدىڭ ماقسات – تۇلەكتەرگە تەك ديپلوم بەرۋ ەمەس، ولاردىڭ ەڭبەك نارىعىندا ءوز ورنىن تابۋىنا ناقتى جاعداي جاساۋ. بۇگىنگى جارمەڭكە– سول جۇيەلى جۇمىستىڭ زاڭدى جالعاسى", – دەدى.
سونىمەن قاتار، جارمەڭكە اياسىندا ۋنيۆەرسيتەت تۇلەكتەرىن جۇمىسپەن قامتۋعا باعىتتالعان mansap-bosoryn.kz تسيفرلىق پلاتفورماسىنىڭ مۇمكىندىكتەرى كەڭىنەن تانىستىرىلدى. اتالعان پلاتفورمادا جۇمىس بەرۋشىلەر ۇسىنعان بوس جۇمىس ورىندارى جاريالانىپ، ءبىتىرۋشى تۇلەكتەر سول ارقىلى تىكەلەي ءوتىنىم بەرە الادى. جىبەرىلگەن وتىنىمدەر بىردەن جۇمىس بەرۋشىنىڭ ەلەكتروندى پوشتاسىنا جانە WhatsApp بايلانىس نومىرىنە جولدانىپ، جۇمىسقا ورنالاسۋ ۇدەرىسىن جەدەلدەتىپ، اشىق ءارى ءتيىمدى فورماتتا ۇيىمداستىرۋعا مۇمكىندىك بەرەدى.
ءىس-شارا بارىسىندا جۇمىس بەرۋشىلەر ءوز ۇيىمدارىنىڭ قىزمەت باعىتتارىن تانىستىرىپ، ۇسىنىلىپ وتىرعان بوس جۇمىس ورىندارى تۋرالى جان-جاقتى اقپارات بەردى. سونىمەن قاتار، جاس ماماندار مەن مەكەمە وكىلدەرى اراسىندا تىكەلەي بايلانىس ورناپ، اشىق فورماتتا پىكىر الماسۋ الاڭى قالىپتاستى. بۇل ءوز كەزەگىندە تۇلەكتەردىڭ كاسىبي باعدارىن ايقىنداپ، ەڭبەك نارىعىنا سەنىمدى قادام جاساۋىنا جول اشتى.
ايتا كەتۋ كەرەك، «بوس ورىندار جارمەڭكەسى – 2026» ءىس-شاراسى ۋنيۆەرسيتەتتىڭ «مانساپ» ورتالىعىنىڭ ۇيىمداستىرۋىمەن جۇزەگە اسىرىلىپ، ءبىلىم مەن ءوندىرىس اراسىنداعى بايلانىستى نىعايتۋعا، سونداي-اق جاس مامانداردىڭ جۇمىسپەن قامتىلۋىنا باعىتتالعان ماڭىزدى باستامالاردىڭ ءبىرى رەتىندە ەرەكشەلەندى.
ءىس-شارا سوڭىندا جارمەڭكەگە قاتىسقان بارلىق مەكەمە وكىلدەرىنە كاسىبي باعدار جانە مانساپتى دامىتۋ دەپارتامەنتىنىڭ ديرەكتورى الماس نايمانباەۆ ۋنيۆەرسيتەتتىڭ باسقارما توراعاسى رەكتورى بولات تىلەپ اتىنان العىس حاتتار تابىستادى. سونداي-اق، سەرىكتەستەرگە ءوزارا ارىپتەستىكتى دامىتۋعا قوسقان ۇلەستەرى ءۇشىن ريزاشىلىق ءبىلدىردى.
