جامبىل وبلىسىندا ۇلىنىڭ قايىرشىلىقپەن اينالىسقانى ءۇشىن اناسى جاۋاپقا تارتىلدى. كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى بالانى تاربيەلەۋ جونىندەگى مىندەتتەردى ورىنداماۋ فاكتىسى بويىنشا ايەلگە قاتىستى اكىمشىلىك قۇقىق بۇزۋشىلىق تۋرالى ءىستى قارادى، دەپ حابارلايدى "ادىرنا".
سوتپەن انىقتالعانداي، پوليتسيا ازاماتشانىڭ كامەلەتكە تولماعان ۇلىن تاراز قالاسىندا باعدارشامدا جۇرگىزۋشىلەردەن قايىر سۇراپ، قايىرشىلىقپەن اينالىسىپ جۇرگەنىندە ۇستاعان. بالانىڭ 16 جاسقا تولماۋىنا بايلانىستى حاتتاما ونىڭ اناسىنا تولتىرىلدى.
جامبىل وبلىستىق سوتى ءباسپاسوز قىزمەتىنىڭ حابارلاۋىنشا، ايەل ادام كىناسىن تولىق مويىنداپ، جاساعان ىسىنە وكىنىش ءبىلدىردى. سوت اۋىرلاتاتىن ءمان-جايلاردىڭ جوقتىعىن ەسكەرە وتىرىپ، ايىپپۇل سوماسىن 30%-عا ازايتتى.
سوت قاۋلىسىمەن اقبتك 127-بابىنىڭ 3-بولىگى بويىنشا ءجاسوسپىرىمنىڭ اناسى كىنالى دەپ تانىلىپ، وعان 60 مىڭ تەڭگە كولەمىندە ايىپپۇل تاعايىندالدى.
قاۋلى زاڭدى كۇشىنە ەنگەن جوق.
