قازاقستاندا سيرەك كەزدەسەتىن كوكساعىز باقباعىن جۇلعاندارعا 13 ميلليون تەڭگەگە دەيىن ايىپپۇل سالىنۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى ۇكىمەتتەگى بريفينگتە ەكولوگيا جانە تابيعي رەسۋرستار ءمينيسترىنىڭ ورىنباسارى نۇركەن شاربيەۆ مالىمدەدى.
ۆيتسە-ءمينيستردىڭ ايتۋىنشا، مۇنداي قاتاڭ جازا بارلىق باقباق تۇرىنە ەمەس، تەك قىزىل كىتاپقا ەنگىزىلگەن كوكساعىز باقباعىنا قاتىستى قولدانىلادى. ونىڭ سوزىنشە، بۇل وسىمدىك جويىلىپ كەتۋ قاۋپى بار سيرەك تۇرلەر قاتارىنا جاتادى.
«بۇل – جويىلىپ كەتۋ قاۋپى بار سيرەك وسىمدىك بولعاندىقتان، وسىنداي جوعارى ايىپپۇل ەنگىزىلگەن. 2019 جىلى دەپۋتاتتاردىڭ باستاماسىمەن ايىپپۇل مولشەرى 10 ەسەگە ارتتى. جويىلىپ كەتۋ قاۋپى بار وسىمدىكتەردى قورعاۋ ءۇشىن وسىنداي شارا قابىلدانعان»، – دەدى شاربيەۆ.
قولدانىستاعى زاڭناماعا سايكەس، كوكساعىز باقباعىن جۇلعاندارعا 3000 اەك كولەمىندە، ياعني شامامەن 12 975 000 تەڭگە ايىپپۇل سالىنۋى مۇمكىن.
