لەيپتسيگ قالاسىنىڭ ورتالىعىندا كولىك اپاتىنىڭ سالدارىنان ەكى ادام قازا تاۋىپ، ونداعان ادام زارداپ شەكتى، دەپ حابارلايدى "ادىرنا" ۇلتتىق پورتالى Deutsche Welle-گە سىلتەپ.
قالا مەرى بۋركحارد يۋنگ مالىمەتىنشە، وقيعا ناتيجەسىندە تاعى ءۇش ادام اۋىر جاراقات العان. سونىمەن قاتار شامامەن 20 ادام ءتۇرلى دەڭگەيدە جارالانعان.
باق بەتتەرىندە وقيعانىڭ 4 مامىر كۇنى بولعانى حابارلاندى.
ساكسونيا ىشكى ىستەر ءمينيسترى ارمين شۋستەر كۇدىكتى رەتىندە 33 جاستاعى گەرمانيا ازاماتى ۇستالعانىن مالىمدەدى. پوليتسيانىڭ حابارلاۋىنشا، جۇرگىزۋشى قارسىلىقسىز بەرىلگەن. قۇقىق قورعاۋ ورگاندارى وقيعا بويىنشا تەرگەۋ باستادى. پروكۋراتۋرا ەكى ادامدى ءولتىرۋ جانە تاعى بىرنەشە ادامعا قاستاندىق جاساۋ فاكتىسى بويىنشا ءىس قوزعادى. الدىن الا دەرەكتەرگە سايكەس، بۇل قاساقانا جاسالعان شابۋىل بولۋى مۇمكىن.
وقيعا قالانىڭ جاياۋ جۇرگىنشىلەرگە ارنالعان ساۋدا كوشەسىندە بولعان. ءىىم وقيعانىڭ سەبەپتەرى انىقتاپ جاتىر.
