قازاقستاندا ەلەكتروكولىكتەرگە ارنايى جاسىل مەملەكەتتىك ءنومىر ەنگىزۋ ۇسىنىلدى، دەپ حابارلايدى “ادىرنا” ۇلتتىق پورتالى كتك-عا سىلتەپ.
مامانداردىڭ ايتۋىنشا، جاسىل ءتۇستى نومىرلەر ەلەكتروموبيلدەردى جىلدام انىقتاۋعا مۇمكىندىك بەرەدى. بۇل ءوز كەزەگىندە تۇراق جۇيەلەرى مەن ارنايى جەڭىلدىكتەردى اۆتوماتتاندىرۋعا جول اشپاق. سونىمەن قاتار، ءبىر مودەلدىڭ ەلەكتر جانە گيبريد نۇسقالارىن اجىراتۋ ماسەلەسىن دە جەڭىلدەتەدى.
بۇگىندە قازاقستاندا 31 مىڭنان استام ەلەكتروموبيل تىركەلگەن. ساراپشىلاردىڭ پىكىرىنشە، مۇنداي كولىكتەر سانى جىل سايىن ارتىپ كەلەدى. الايدا ينفراقۇرىلىم مەن تسيفرلىق جۇيەلەر بۇل وزگەرىستەرگە تولىق بەيىمدەلىپ ۇلگەرمەگەن.
ازىرگە جاسىل مەملەكەتتىك نومىرلەردىڭ ناقتى قاشان ەنگىزىلەتىنى بەلگىسىز. جوبا قوعامدىق تالقىلاۋ كەزەڭىندە.
ۇقساس جاڭالىقتار
