تالدىقورعان قالاسىندا اۆتوبۋس جاياۋ جۇرگىنشىنى قاعىپ، ايەل ادام وقيعا ورنىندا كوز جۇمدى، دەپ حابارلايدى "ادىرنا" ۇلتتىق پورتالى.
جەتىسۋ وبلىستىق پوليتسيا دەپارتامەنتىنىڭ مالىمەتىنشە، جول-كولىك وقيعاسى 15 مامىر كۇنى نازارباەۆ كوشەسىندە بولعان. الدىن الا دەرەك بويىنشا، Isuzu ماركالى اۆتوبۋس جۇرگىزۋشىسى رەتتەلمەيتىن جاياۋ جۇرگىنشىلەر وتكەلىنەن ءوتىپ بارا جاتقان ايەلدى قاعىپ كەتكەن.
"جول اپاتى سالدارىنان ايەل ادام قازا تاپتى. اتالعان فاكتى بويىنشا قىلمىستىق ءىس قوزعالىپ، قاجەتتى تەرگەۋ شارالارى جۇرگىزىلىپ جاتىر", – دەپ حابارلادى جەتىسۋ وبلىسىنىڭ پوليتسيا دەپارتامەنتى.
قازىرگى ۋاقىتتا اۆتوبۋس ارنايى ايىپ تۇراعىنا قويىلعان. ال كۇدىكتى ۋاقىتشا ۇستاۋ يزولياتورىنا قامالدى. پوليتسيا قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريالانبايتىنىن مالىمدەدى.
