Taldyqorǧan qalasynda avtobus jaiau jürgınşını qaǧyp, äiel adam oqiǧa ornynda köz jūmdy, dep habarlaidy "Adyrna" ūlttyq portaly.
Jetısu oblystyq polisiia departamentınıŋ mälımetınşe, jol-kölık oqiǧasy 15 mamyr künı Nazarbaev köşesınde bolǧan. Aldyn ala derek boiynşa, Isuzu markaly avtobus jürgızuşısı rettelmeitın jaiau jürgınşıler ötkelınen ötıp bara jatqan äieldı qaǧyp ketken.
"Jol apaty saldarynan äiel adam qaza tapty. Atalǧan faktı boiynşa qylmystyq ıs qozǧalyp, qajettı tergeu şaralary jürgızılıp jatyr", – dep habarlady Jetısu oblysynyŋ polisiia departamentı.
Qazırgı uaqytta avtobus arnaiy aiyp tūraǧyna qoiylǧan. Al küdıktı uaqytşa ūstau izoliatoryna qamaldy. Polisiia QR qylmystyq-prosestık kodeksınıŋ 201-babyna säikes özge aqparat jariialanbaitynyn mälımdedı.
