Almaty qalasynyŋ Almaly audanynda "Jetour" markaly kölıktıŋ jürgızuşısı joldy rūqsat etılmegen jerınen ötpek bolǧan jetı jastaǧy balany qaǧyp kettı, dep habarlaidy "Adyrna" ūlttyq portaly QazTAG-qa sıltep.
Almaty qalalyq polisiia departamentınıŋ kezekşılık bölımı bergen aqparatqa säikes, oqiǧa bügın, 15:30 şamasynda Almaly audanynda bolǧan. Baizaqov köşesımen soltüstık baǧytta kele jatqan «Jetour» kölıgınıŋ jürgızuşısı Bögenbai batyr köşesınen oŋtüstıkke qarai ötetın jerden joldy kesıp ötıp bara jatqan jetı jastaǧy balany qaǧyp ketken.
Soqqydan bala qarsy baǧytta kele jatqan Hyundai kölıgınıŋ üstıne qūlap tüstı. Alǧan jaraqattarynyŋ saldarynan bala oqiǧa ornynda qaza tapty.
Atalǧan faktı boiynşa Qylmystyq kodekstıŋ 345-babynyŋ 3-bölıgı (Adam ölımıne äkelgen jol-kölık oqiǧasy) boiynşa tergeu bastaldy.
Aita keteiık, 2 säuırde Almatyda jük kölıgı jaiau jürgınşıler jolynda jetı jastaǧy qyzdy qaǧyp öltırgen bolatyn. Bügın, 3 säuırde qyz balanyŋ denesı jer qoinyna tapsyryldy.
Ūqsas jaŋalyqtar
