استانادا «PARYZ» قر ۇلتتىق جۇمىس بەرۋشىلەر كونفەدەراتسياسىنىڭ ۇيىمداستىرۋىمەن NEF 2026 قازاقستان جۇمىس بەرۋشىلەر قاۋىمداستىقتارىنىڭ ءبىرىنشى ۇلتتىق فورۋمى ءوتىپ جاتىر. ءىس-شارا بيزنەس، قاۋىمداستىقتار، مەملەكەتتىك ورگاندار وكىلدەرى مەن حالىقارالىق ساراپشىلاردىڭ باسىن قوسۋدا.
«PARYZ» قر ۇلتتىق جۇمىس بەرۋشىلەر كونفەدەراتسياسى پرەزيديۋمىنىڭ توراعاسى جۇمابەك جانىقۇلوۆ ءوز سوزىندە جاڭا ينستيتۋتسيونالدىق باستامالاردىڭ — جۇمىس بەرۋشىلەر قاۋىمداستىقتارىن قولداۋ ورتالىعى مەن ايەل جۇمىس بەرۋشىلەر پلاتفورماسىنىڭ ىسكە قوسىلاتىنىن جاريالادى.
پرەزيديۋم باسشىسىنىڭ ايتۋىنشا، قازاقستاندا العاش رەت وتكىزىلىپ وتىرعان فورۋم تەك تالقىلاۋ الاڭى عانا ەمەس، سونىمەن بىرگە جۇمىس بەرۋشىلەر ينستيتۋتىن كۇشەيتۋ مەن بيزنەس-قوعامداستىقتى شوعىرلاندىرۋدىڭ پراكتيكالىق تەتىكتەرىن ىسكە قوسۋ نۇكتەسىنە اينالۋى ءتيىس.
ء«بىزدىڭ مىندەتىمىز — ماسەلەلەردى جاي عانا تالقىلاۋ ەمەس، ءوزارا ءىس-قيمىلدىڭ تۇراقتى جۇيەسىن قۇرۋ، قۇزىرەتتەردى ارتتىرۋ، جۇمىس بەرۋشىلەردىڭ باسىن بىرىكتىرۋ جانە ديالوگتى ناقتى ناتيجەگە اينالدىرۋ»، — دەپ اتاپ ءوتتى پرەزيديۋم توراعاسى.
جۇمىس بەرۋشىلەر قاۋىمداستىقتارىن قولداۋ ورتالىعى جۇمىس بەرۋشىلەردىڭ سالالىق جانە وڭىرلىك بىرلەستىكتەرىنىڭ الەۋەتىن كۇشەيتۋگە، ساراپتامالىق جانە ۇيىمداستىرۋشىلىق قولداۋدى دامىتۋعا، ۇزدىك تاجىريبەلەرمەن الماسۋعا جانە بيزنەس مۇددەلەرىن ءتيىمدى ءبىلدىرۋدى نىعايتۋعا باعىتتالادى.
سونىمەن قاتار، ايەل جۇمىس بەرۋشىلەر پلاتفورماسىن ىسكە قوسۋ جوسپارلانۋدا. ول كوشباسشىلىقتى دامىتۋ، تاجىريبە الماسۋ، ايەلدەر كاسىپكەرلىگىن ىلگەرىلەتۋ جانە ايەلدەردىڭ ەكونوميكا مەن بيزنەس-قوعامداستىقتاعى ءرولىن نىعايتۋ كەڭىستىگىنە اينالادى. باستاما ايەل جۇمىس بەرۋشىلەردى بىرىكتىرۋگە جانە ولاردىڭ الەۋمەتتىك-ەڭبەك جانە ەكونوميكالىق كۇن تارتىبىندە شەشىمدەر قابىلداۋعا قاتىسۋىن كەڭەيتۋگە ارنالعان.
ج. جانىقۇلوۆ اتاپ وتكەندەي، كۇشتى جۇمىس بەرۋشىلەر بىرلەستىكتەرى، ءادىل الەۋمەتتىك ديالوگ جانە بيزنەستى شوعىرلاندىرۋ تۇراقتى ەكونوميكا مەن باسەكەگە قابىلەتتى ەڭبەك نارىعىن قالىپتاستىرۋدىڭ نەگىزگى شارتتارى بولىپ تابىلادى.
فورۋمعا ەلدىڭ تۇكپىر-تۇكپىرىنەن 600-گە جۋىق قاتىسۋشى جينالدى، ولاردىڭ قاتارىندا مەملەكەتتىك ورگانداردىڭ، حالىقارالىق ۇيىمداردىڭ، بيزنەستىڭ، جۇمىس بەرۋشىلەردىڭ سالالىق جانە وڭىرلىك قاۋىمداستىقتارىنىڭ مۇشەلەرى مەن وكىلدەرى جانە ت.ب. بار.
