وسكەمەندەگى قىلمىستىق ءىس بويىنشا اۋدانارالىق سوتتا ەكس-اكىم جاقسىلىق وماردىڭ اپپەلياتسياسى قارالدى. سوت كوللەگياسى 2026 جىلدىڭ ءۇشىنشى ساۋىرىندە شىققان ۇكىمدى وزگەرىسسىز قالدىردى، دەپ حابارلايدى "ادىرنا".
«سوت القاسى ءبىرىنشى ساتىداعى سوتتىڭ سوتتالعان ادامنىڭ ءىس-ارەكەتىن دۇرىس سارالاعان دەگەن قورىتىندىعا كەلدى. جازانىڭ ءتۇرى مەن مولشەرى زاڭ تالاپتارىنا سايكەس، جاسالعان اۋىر سىبايلاس جەمقورلىق قىلمىسىنىڭ قوعامدىق قاۋىپتىلىگىنىڭ جوعارى دەڭگەيىن، سونداي-اق ونىڭ مەملەكەتتىك بيلىكتىڭ بەدەلىنە نۇقسان كەلتىرىپ، قوعامنىڭ وعان دەگەن سەنىمىنە سەلكەۋ تۇسىرەتىنىن ەسكەرە وتىرىپ تاعايىندالدى. (…) قاۋلى جاريالانعان ساتتەن باستاپ زاڭدى كۇشىنە ەنەدى»، – دەپ قاۋلى ەتتى سۋديا ساۋلە بەكىشەۆا.
ايتا كەتەيىك، شىعىس قازاقستان وبلىسى اكىمىنىڭ بۇرىنعى ءبىرىنشى ورىنباسارى جاقسىلىق ومار الاياقتىق جاسادى جانە پارا الدى دەگەن ايىپپەن التى جىلعا سوتتالعان بولاتىن. الايدا12 مامىردا ول ۇكىممەن كەلىسپەي، اپەللياتسيالىق سوتقا شاعىمدانعان.
