قىتاي مامانى قازاقستانمەن عارىش سالاسىنداعى ىنتىماقتاستىقتى كەڭەيتۋ مۇمكىندىگىن مالىمدەدى، دەپ حابارلايدى "ادىرنا" ۇلتتىق پورتالى.
CMSA وكىلى چجوۋ ياتسيان سوزىنشە، بولاشاقتا ەكى ەل بىرلەسكەن باسقارىلاتىن عارىش ميسسيالارىن جۇزەگە اسىرىپ، وربيتادا عىلىمي زەرتتەۋلەر جۇرگىزۋ ماسەلەسىن تالقىلاي الادى.
ء"بىز عارىشكەرلەردىڭ بىرلەسكەن ۇشۋلارى مەن عىلىمي ەكسپەريمەنتتەر بويىنشا ىنتىماقتاستىقتى قاراستىرا الامىز. سونداي-اق ايدى زەرتتەۋ باعىتىنداعى ءوزارا ءىس-قيمىلدى دامىتۋ مۇمكىندىگى بار", — دەدى چجوۋ ياتسيان.
قىتاي تاراپىنىڭ مالىمەتىنشە، قازىرگى ۋاقىتتا قىتايدىڭ عارىشكەرلەردى دايارلاۋ جانە عىلىمي زەرتتەۋ ورتالىعىندا پاكىستاننان كەلگەن ەكى مامان ءبىلىم الىپ جاتىر. جوسپار بويىنشا ولاردىڭ ءبىرى الداعى ۋاقىتتا پايدالى جۇكتەمە جونىندەگى مامان رەتىندە عارىش ميسسياسىنا قاتىسادى.
ايتا كەتەيىك، مەملەكەت باسشىسى قاسىم-جومارت توقاەۆ قىتايدىڭ شانسي ولكەسىندەگى كومىر شاحتاسىندا بولعان گاز جارىلىسى سالدارىنان كوپتەگەن ادامنىڭ قازا تابۋىنا بايلانىستى قحر توراعاسى سي تسزينپينگە كوڭىل ايتۋ جەدەلحاتىن جولدادى.
