رەسەي پرەزيدەنتى ۆلاديمير ءپۋتيننىڭ استاناعا جاساعان مەملەكەتتىك ساپارى اياقتالدى. بۇل تۋرالى 29 مامىردا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
مالىمەتكە سايكەس، پرەزيدەنت قاسىم-جومارت توقاەۆ رەسەي باسشىسىن ەلوردا اۋەجايىنان ءوزى شىعارىپ سالعان.
«قاسىم-جومارت توقاەۆ ەلىمىزگە مەملەكەتتىك ساپارى اياقتالعان رەسەي پرەزيدەنتى ۆلاديمير ءپۋتيندى ەلوردا اۋەجايىنان شىعارىپ سالدى»،– دەلىنگەن حابارلامادا.
ەسكە سالايىق، ۆلاديمير پۋتين قازاقستانعا 27 مامىر كۇنى قاسىم-جومارت توقاەۆتىڭ شاقىرۋىمەن كەلگەن بولاتىن. كەلىسسوزدەر بارىسىندا تاراپتار قازاقستان مەن رەسەي اراسىنداعى جان-جاقتى ستراتەگيالىق ارىپتەستىك پەن وداقتاستىق قاتىناستاردى نىعايتۋدىڭ قازىرگى جاي-كۇيى مەن كەلەشەگىن تالقىلادى. سونداي-اق ەكى ەل باسشىسى دوستىق پەن تاتۋ كورشىلىك تۋرالى بىرلەسكەن مالىمدەمە قابىلدادى.
