پروكۋراتۋرا «قازاق ەنتسيكلوپەدياسى» جشس-ءنىڭ 100% ۇلەسى بۇرىن زاڭسىز يەلىكتەن شىعارىلىپ، ەكس-مادەنيەت جانە سپورت ءمينيسترى ارىستانبەك مۇحامەديۇلىمەن بايلانىستى كومپانيانىڭ مەنشىگىندە بولعانىن انىقتادى، دەپ حابارلايدى "ادىرنا".
2015 جىلى «قازاق ەنتسيكلوپەدياسى» جشس-ءنىڭ 100% ۇلەسى مەن ونىڭ جىلجىمايتىن مۇلىك تۇرىندەگى اكتيۆتەرى (الماتى قالاسى، اۋەزوۆ اۋدانىندا ورنالاسقان، جالپى اۋدانى 2 108,3 م² جەر ۋچاسكەسى بار عيمارات) زاڭسىز جەكەشەلەندىرىلگەنى بەلگىلى بولدى.
مەملەكەتتىڭ مۇلىكتىك مۇددەسىن قورعاۋ ماقساتىندا الماتى قالاسى اۋەزوۆ اۋدانىنىڭ پروكۋراتۋراسى جەكەشەلەندىرۋ شارتىن جانە كەيىنگى مامىلەلەردى جارامسىز دەپ تانۋ تۋرالى سوتقا تالاپ ارىز تۇسىرگەن.
كاسساتسيالىق سوت شەشىمىمەن پروكۋراتۋرانىڭ تالاپ-ارىزى تولىق قاناعاتتاندىرىلىپ، قۇنى 1,3 ملرد تەڭگە بولاتىن اكتيۆ مەملەكەت مەنشىگىنە قايتارىلاتىن بولدى.
