اقتوبەدە ەر ادام بىرنەشە ازاماتقا جوق جەر تەلىمدەرىن ساتقان. پوليتسياعا مارتوك اۋدانىنىڭ تۇرعىنى ارىزبەن جۇگىنىپ، بەلگىسىز ەر ادامنىڭ وبلىس ورتالىعىنان جەر تەلىمىن تومەن باعامەن ساتىپ بەرۋگە ۋادە ەتىپ، اقشاسىن يەمدەنىپ كەتكەنىن مالىمدەدى، دەپ حابارلايدى "ادىرنا".
"جەدەل-ىزدەستىرۋ ءىس-شارالارى بارىسىندا پوليتسەيلەر 37 جاستاعى كۇدىكتىنى انىقتاپ، پوليتسيا بولىمىنە جەتكىزدى. تەكسەرۋ بارىسىندا كۇدىكتىنىڭ مەنشىگىندە جەر تەلىمدەرى بولماعانىنا جانە ولاردى ساتۋعا قۇقىعى جوق ەكەنىنە قاراماستان، ازاماتتارعا ءتيىمدى باعامەن جەر تەلىمدەرىن ساتاتىنىن ايتىپ، ولاردىڭ سەنىمىنە كىرگەنى انىقتالدى. اقشانى العاننان كەيىن ءوز مىندەتتەمەلەرىن ورىنداماعان", - دەدى اقتوبە وبلىسىنىڭ پوليتسيا دەپارتامەنتى.
قازىرگى ۋاقىتتا كۇدىكتىنىڭ وسىعان ۇقساس تاعى ءۇش الاياقتىق دەرەگىنە قاتىسى بار ەكەنى انىقتالدى. كەلتىرىلگەن جالپى ماتەريالدىق شىعىن كولەمى 5 ميلليون تەڭگەدەن استى.
اتالعان فاكتى بويىنشا “الاياقتىق” بابىمەن سوتقا دەيىنگى تەرگەپ-تەكسەرۋ جۇرگىزىلۋدە. پوليتسەيلەر كۇدىكتىنىڭ باسقا دا وسىعان ۇقساس قىلمىستارعا قاتىستىلىعىن تەكسەرۋدە.
