اقمولا وبلىسىندا جەر رەسۋرستارىن باسقارۋ دەپارتامەنتىنىڭ بۋراباي كۋرورتىنداعى بەدەلدى جەر تەلىمدەرى ءۇشىن سوتتاسىپ جاتقانى ايتىلدى. ولاردىڭ اراسىندا نازارباەۆتار اۋلەتىنە تيەسىلى جەرلەر دە بار، دەپ حابارلايدى "ادىرنا" ۇلتتىق پورتالى قازتاگ اگەن تىگىنە سىلتەمە جاساپ.
قاڭتار ايىندا دەپارتامەنت «كيك-استانا» جشس-ىنە جانە مارقۇم بولات نازارباەۆقا، سونىمەن قاتار ونىڭ بالالارى نۇربول، حانبول، حانتورە جانە البينا نازارباەۆتارعا قاتىستى تالاپ ارىز تۇسىرگەن.
الايدا ساۋىردە تالاپ ارىز كەرى قايتارىلىپ، ودان كەيىن كومپانيا مەن نازارباەۆتارعا قاتىستى شاعىمدار بەرىلمەگەن.
ەسكە سالا كەتەيىك، 2024 جىلى اقمولا وبلىسىنىڭ پروكۋراتۋراسى 2012 جىلى وبلىستىڭ سول كەزدەگى اكىمى، قازىرگى تاڭدا تەرگەۋدە جۇرگەن قايرات قوجامجاروۆ قابىلداعان قاۋلىعا قارسى وبلىس اكىمدىگىنە نارازىلىق ەنگىزگەن. ول قاۋلىدا «بۋراباي» مەملەكەتتىك ۇلتتىق تابيعي پاركىنە (مۇتپ) تيەسىلى جەرلەردى الىپ، ولاردى ششۋچينسك قالاسىنا قوسۋ قاراستىرىلعان ەدى.
پروكۋراتۋرا نارازىلىعى قاناعاتتاندىرىلىپ، قاۋلىنىڭ كۇشى جويىلعاننان كەيىن دەپارتامەنت جەرلەردى بەرۋ جانە ساتۋ-ساتىپ الۋ مامىلەلەرىن جارامسىز دەپ تانۋ ءۇشىن سوتقا تالاپ ارىزدار بەرە باستاعان.
