«كيسلو-سلادكي» لاقاپ اتىمەن تانىمال قازاقستاندىق رەپەر دارحان جۇمابەك تايلاندتا ىزدەستىرىلىپ جاتىر. مۋزىكانتتىڭ جوعالىپ كەتكەنى تۋرالى قازاقستاندىق رەجيسسەر پاراسات يبراەۆ جەلىدە مالىمدەدى، دەپ حابارلايدى "ادىرنا".
رەجيسسەردىڭ ايتۋىنشا، رەپەر تاڭەرتەڭ پحۋكەت قالاسىنان بانگكوك قالاسىنا ۇشۋى ءتيىس بولعان، الايدا ونىمەن بايلانىسۋ مۇمكىن بولماعان.
سونداي-اق ول كوشى-قون پوليتسياسىنا جۇگىنگەنىن جانە مۋزىكانتتىڭ سىرت كەلبەتى كورسەتىلگەن ىزدەۋ پاراعى دايىندالعانىن مالىمدەدى.
الەۋمەتتىك جەلىلەردە دە دارحان جۇمابەكتىڭ جوعالعانى تۋرالى اقپارات تاراعان. جاريالانعان مالىمەتتەرگە سايكەس، ونى سوڭعى رەت پاتتايا قالاسىندا كورگەن بولۋى مۇمكىن.
جاعدايعا قاتىستى تۇسىنىكتەمە بەرگەن قازاقستان رەسپۋبليكاسى سىرتقى ىستەر مينيسترلىگى تايلاندتا قازاقستان ازاماتىنىڭ جوعالىپ كەتكەنى تۋرالى اقپاراتتان حاباردار ەكەنىن مالىمدەدى.
“قازاقستان رەسپۋبليكاسى سىرتقى ىستەر مينيسترلىگىنە تايلاندتا قازاقستان ازاماتىنىڭ جوعالىپ كەتكەنى تۋرالى اقپارات بەلگىلى. ءبىزدىڭ ديپلوماتتار جەرگىلىكتى قۇقىق قورعاۋ ورگاندارىمەن جانە تايلاندتىڭ قۇزىرەتتى قىزمەتتەرىمەن تۇراقتى بايلانىستا. قاجەتتى ىزدەستىرۋ شارالارى جۇرگىزىلىپ جاتىر. ماسەلە مينيسترلىكتىڭ باقىلاۋىندا”، — دەپ حابارلادى ۆەدومستۆو.
