جەزقازعاندا جاس مەملەكەتتىك قىزمەتشىلەر اراسىندا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا تانىمدىق كۆەست-كۆيز ويىنى ۇيىمداستىرىلدى.
ءىس-شارانىڭ اشىلۋ سالتاناتىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ ۇلىتاۋ وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس توراعاسى ەرلان مەيرامحانۇلى ەرماحانبەتوۆ ءسوز سويلەپ، مەملەكەتتىك قىزمەتشىلەر اراسىندا ادالدىق پەن ادىلدىك قاعيداتتارىن نىعايتۋدىڭ ماڭىزدىلىعىنا توقتالدى. زياتكەرلىك سايىس بارىسىندا قاتىسۋشىلار سىبايلاس جەمقورلىققا قارسى زاڭناما بويىنشا بىلىمدەرىن سىناپ، ءتۇرلى جاعداياتتىق تاپسىرمالاردى شەشىپ، لوگيكالىق سۇراقتارعا جاۋاپ بەردى جانە ءوز جوبالارىن قورعادى. شارانىڭ نەگىزگى ماقساتى – جاستار اراسىندا ادالدىق، ادىلدىك جانە زاڭ مەن ءتارتىپ قاعيداتتارىن ناسيحاتتاۋ.
تارتىستى ءارى قىزىقتى وتكەن سايىس قورىتىندىسى بويىنشا:
ء ى ورىن – «دارا» كومانداسى;
ء ىى ورىن – «ادىلەت» كومانداسى;
ء ىىى ورىن – «بولاشاق باعدارى» جانە «Smart Jez» كوماندالارى.
جەڭىمپازدار مەن جۇلدەگەرلەر ارنايى ديپلومدارمەن جانە ەستەلىك سىيلىقتارمەن ماراپاتتالدى. ۇيىمداستىرۋشىلاردىڭ ايتۋىنشا، مۇنداي ءىس-شارالار جاس مەملەكەتتىك قىزمەتشىلەردىڭ قۇقىقتىق ساۋاتتىلىعىن ارتتىرىپ قانا قويماي، ولاردىڭ سىبايلاس جەمقورلىققا قارسى ۇستانىمىن نىعايتۋعا ىقپال ەتەدى.
