13 ماۋسىم كۇنى ۇلىتاۋ وبلىسىنىڭ جاڭاارقا اۋدانىنا قاراستى ەراليەۆ اۋىلىندا «كوكمايسا – دالانىڭ ءتىرى تاريحى» اتتى رەسپۋبليكالىق ەتنومادەني فەستيۆال ۇيىمداستىرىلادى.
اۋقىمدى مادەني شارا ساعات 10:00-دە باستالادى. فەستيۆال اياسىندا ۇلتتىق قۇندىلىقتاردى دارىپتەيتىن ەتنواۋىلدار تىگىلىپ، قازاق حالقىنىڭ سالت-داستۇرلەرى كەڭىنەن تانىستىرىلادى.
باعدارلاما بويىنشا قوناقتار قىمىزمۇرىندىق ءراسىمىن تاماشالاپ، ۇلتتىق سپورت ويىندارىنا كۋا بولادى. سونىمەن قاتار قولونەر شەبەرلەرىنىڭ كورمەسى ۇيىمداستىرىلىپ، 500 بيە ساۋىلاتىن تاريحي كورىنىس ۇسىنىلادى.
شارا بارىسىندا تانىمال ونەر جۇلدىزدارىنىڭ قاتىسۋىمەن مەرەكەلىك كونتسەرت تە وتەدى.
ۇيىمداستىرۋشىلاردىڭ ايتۋىنشا، «كوكمايسا» فەستيۆالى — قازاق دالاسىنىڭ رۋحىن سەزىنۋگە مۇمكىندىك بەرەتىن، ۇلتتىق ءداستۇر مەن مادەنيەتتى ۇلىقتايتىن ەرەكشە جوبا.
