13 mausym künı Ūlytau oblysynyŋ Jaŋaarqa audanyna qarasty Eraliev auylynda «Kökmaisa – dalanyŋ tırı tarihy» atty respublikalyq etnomädeni festival ūiymdastyrylady.
Auqymdy mädeni şara saǧat 10:00-de bastalady. Festival aiasynda ūlttyq qūndylyqtardy därıpteitın etnoauyldar tıgılıp, qazaq halqynyŋ salt-dästürlerı keŋınen tanystyrylady.
Baǧdarlama boiynşa qonaqtar qymyzmūryndyq räsımın tamaşalap, ūlttyq sport oiyndaryna kuä bolady. Sonymen qatar qolöner şeberlerınıŋ körmesı ūiymdastyrylyp, 500 bie sauylatyn tarihi körınıs ūsynylady.
Şara barysynda tanymal öner jūldyzdarynyŋ qatysuymen merekelık konsert te ötedı.
Ūiymdastyruşylardyŋ aituynşa, «Kökmaisa» festivalı — qazaq dalasynyŋ ruhyn sezınuge mümkındık beretın, ūlttyq dästür men mädeniettı ūlyqtaityn erekşe joba.
