اتىراۋ قالاسى اكىمىنىڭ مىندەتىن اتقارۋشى تىلەك ماحۋوۆ ۋاقىتشا ۇستاۋ يزولياتورىنا قامالدى. بۇل تۋرالى جۋرناليست ميحايل كوزاچكوۆ ءوزىنىڭ Telegram-ارناسىندا جازدى، دەپ حابارلايدى «ادىرنا» ءتىلشىسى.
«ماحۋوۆ قالانىڭ كارىز جەلىلەرىن كۇردەلى جوندەۋ جوباسىنا تۇزەتۋلەر ەنگىزۋگە مۇددەلى كومپانيادان 100 ملن تەڭگە العان. بولجام بويىنشا، قاراجات اتالعان نىساندا قوسالقى مەردىگەرلىك جۇمىستاردى اتقاراتىن دەلدال ارقىلى بەرىلگەن»،– دەلىنگەن حابارلامادا.
49 جاستاعى شەنەۋنىك بۇعان دەيىن اتىراۋ قالاسى اكىمىنىڭ ورىنباسارى قىزمەتىن اتقارعان. سونداي-اق قالالىق قۇرىلىس باسقارماسىن دا باسقارعان.
ارنا مالىمەتىنشە، تەرگەۋ جۇمىستارىن اتىراۋ وبلىسى بويىنشا ۇقك دەپارتامەنتىنىڭ سىبايلاس جەمقورلىققا قارسى ءىس-قيمىل قىزمەتى ءوڭىر پروكۋراتۋراسىمەن بىرلەسىپ جۇرگىزىپ جاتىر.
ۇقساس جاڭالىقتار
