ليتۆانىڭ سىرتقى ىستەر مينيسترلىگى رەسەي ديپلوماتىن شاقىرىپ، ۋكرايناعا جاسالعان سوڭعى جاپپاي شابۋىلدارعا بايلانىستى نارازىلىق نوتاسىن تابىستادى، دەپ حابارلايدى «ادىرنا» ءتىلشىسى Report-قا سىلتەمە جاساپ.
«مينيسترلىك رەسەي ديپلوماتىن كيەۆ پەن ۋكراينانىڭ باسقا وڭىرلەرىندە بەيبىت تۇرعىنداردىڭ قازا بولۋىنا اكەلگەن سوڭعى جاپپاي شابۋىلدارعا بايلانىستى نارازىلىق نوتاسىن تابىستاۋ ءۇشىن شاقىردى. سونىمەن قاتار ليتۆا تاراپى رەسەي سىرتقى ىستەر مينيسترلىگى وكىلدەرىنىڭ بالتىق ەلدەرىنە قارسى باعىتتالعان جالعان مالىمدەمەلەرىن جوققا شىعاردى»، – دەلىنگەن حابارلامادا.
ليتۆا سىرتقى ىستەر مينيسترلىگى 6 شىلدەدەن 7 شىلدەگە قاراعان ءتۇنى رەسەيدىڭ ۋكرايناعا جاساعان شابۋىلى سالدارىنان كەمىندە 27 بەيبىت تۇرعىننىڭ قازا تاۋىپ، شامامەن 100 ادامنىڭ جارالانعانىن ەسكە سالدى.
ۇقساس جاڭالىقتار
