تۇركيا پرەزيدەنتى رەجەپ تايپ ەردوعاننىڭ 8 شىلدە كۇنى انكارادا وتكەن سامميتكە قاتىسۋشىلارعا سىيعا تارتقان تارتۋلارى قاۋىپسىزدىك تالاپتارى مەن سىيلىق قۇنىنا قويىلاتىن شەكتەۋلەرگە بايلانىستى سۇراقتار تۋعىزدى، دەپ حابارلايدى «ادىرنا» ءتىلشىسى.
ەۋرووداق باسشىلارىنا ارنايى ناقىشتالعان جاۋىنگەرلىك تاپانشالار، وق-دارىلەر جانە قارۋدى تازالاۋعا ارنالعان جيىنتىق تابىستالعان.
Politico باسىلىمىنىڭ جازۋىنشا، انكاراداعى سامميتتەن كەيىن ەردوعان ەۋروپالىق كوميسسيا توراعاسى ۋرسۋلا فون دەر ليايەن مەن ەۋروپالىق كەڭەس توراعاسى انتونيۋ كوشتاعا وسىنداي ەستەلىك سىيلىقتار بەرگەن.
انتونيۋ كوشتاعا ارنالعان قارۋدى ونىڭ قاۋىپسىزدىك قىزمەتى تەكسەرۋ ءۇشىن الىپ كەتكەن.
«ونى بەلگياعا جەتكىزۋ ءۇشىن جەرگىلىكتى راسىمدەرگە سايكەس ارەكەت ەتەمىز. كەيىن قارۋ ەۋروپالىق كەڭەستىڭ باس حاتشىلىعى بەلگىلەگەن قاۋىپسىزدىك تالاپتارىنا ساي ساقتالادى»، – دەدى ەو وكىلدەرى.
قىزمەتىنەن كەتىپ جاتقان ۇلىبريتانيا پرەمەر-ءمينيسترى كير ستارمەر مەن نيدەرلاند پرەمەر-ءمينيسترى دجەتتەن دە سىيعا العان تاپانشالاردى ازىرگە تۇركيادا قالدىرىپ، ولاردى قولدانىستان شىعارۋ راسىمىنەن كەيىن عانا ءوز ەلدەرىنە الىپ كەتەتىندەرىن مالىمدەگەن.
شەنەۋنىكتەردىڭ ءبىرىنىڭ ايتۋىنشا، بۇل تاپانشالاردىڭ قۇنى سىيلىقتارعا قويىلاتىن قاتاڭ شەكتەۋلەردەن اسىپ كەتۋى مۇمكىن. سوندىقتان ولاردىڭ جەكە پايدالانۋعا بەرىلمەۋى ىقتيمال.
