Türkiia prezidentı Rejep Taiip Erdoǧannyŋ 8 şılde künı Ankarada ötken sammitke qatysuşylarǧa syiǧa tartqan tartulary qauıpsızdık talaptary men syilyq qūnyna qoiylatyn şekteulerge bailanysty sūraqtar tuǧyzdy, dep habarlaidy «Adyrna» tılşısı.
Euroodaq basşylaryna arnaiy naqyştalǧan jauyngerlık tapanşalar, oq-därıler jäne qarudy tazalauǧa arnalǧan jiyntyq tabystalǧan.
Politico basylymynyŋ jazuynşa, Ankaradaǧy sammitten keiın Erdoǧan Europalyq komissiia töraǧasy Ursula fon der Liaien men Europalyq keŋes töraǧasy Antoniu Koştaǧa osyndai estelık syilyqtar bergen.
Antoniu Koştaǧa arnalǧan qarudy onyŋ qauıpsızdık qyzmetı tekseru üşın alyp ketken.
«Ony Belgiiaǧa jetkızu üşın jergılıktı räsımderge säikes äreket etemız. Keiın qaru Europalyq keŋestıŋ Bas hatşylyǧy belgılegen qauıpsızdık talaptaryna sai saqtalady», – dedı EO ökılderı.
Qyzmetınen ketıp jatqan Ūlybritaniia premer-ministrı Kir Starmer men Niderland premer-ministrı Djetten de syiǧa alǧan tapanşalardy äzırge Türkiiada qaldyryp, olardy qoldanystan şyǧaru räsımınen keiın ǧana öz elderıne alyp ketetınderın mälımdegen.
Şeneunıkterdıŋ bırınıŋ aituynşa, būl tapanşalardyŋ qūny syilyqtarǧa qoiylatyn qataŋ şekteulerden asyp ketuı mümkın. Sondyqtan olardyŋ jeke paidalanuǧa berılmeuı yqtimal.
