الەم چەمپيوناتىنىڭ كۇندەلىگى. كوپ ۇشقان كوماندا انىقتالدى

12 شىلدەدە وتەتىن شيرەك فينالدا انگليا قۇراماسى نورۆەگيامەن كەزدەسەدى، دەپ حابارلايدى “ادىرنا” ءتىلشىسى. 

توماس تۋحەل جاتتىقتىراتىن كوماندا ءتۋرنيردىڭ باستى فاۆوريتتەرىنىڭ ءبىرى سانالعانىمەن، چەمپيونات بارىسىندا لوگيستيكالىق قيىندىقتارعا تاپ بولدى.  

شەتەلدىك باق مالىمەتىنشە، انگليا قۇراماسى تۋرنير باستالعالى بەرى جالپى 12 998 شاقىرىم اۋە جولىن ەڭسەرىپ، بۇل كورسەتكىش بويىنشا بارلىق قاتىسۋشى قۇرامالار اراسىندا كوش باستادى. 

ودان كەيىنگى ورىنداردا يسپانيا (12 200 كم), پاراگۆاي (11 142 كم), شۆەيتساريا (10 912 كم) جانە كولۋمبيا (10 860 كم) ورنالاسقان.  

اعىلشىنداردىڭ نەگىزگى وقۋ-جاتتىعۋ بازاسى اقش-تىڭ كانزاس-سيتي قالاسىندا ورنالاسقان. الايدا كوماندا بۇل قالادا بىردە-ءبىر ماتچ وتكىزگەن جوق. توپتىق كەزەڭدە ولار داللاس، بوستون جانە نيۋ-يوركتە ونەر كورسەتسە، پلەي-وففتا اتلانتا مەن مەحيكودا وينادى. سوعان قاراماستان، انگليا فۋتبول قاۋىمداستىعى قۇرامانىڭ بازاسىن وزگەرتپەي، كانزاس-سيتيدە قالدىرۋ تۋرالى شەشىم قابىلداعان.