12 şıldede ötetın şirek finalda Angliia qūramasy Norvegiiamen kezdesedı, dep habarlaidy “Adyrna” tılşısı.
Tomas Tuhel jattyqtyratyn komanda turnirdıŋ basty favoritterınıŋ bırı sanalǧanymen, chempionat barysynda logistikalyq qiyndyqtarǧa tap boldy.
Şeteldık BAQ mälımetınşe, Angliia qūramasy turnir bastalǧaly berı jalpy 12 998 şaqyrym äue jolyn eŋserıp, būl körsetkış boiynşa barlyq qatysuşy qūramalar arasynda köş bastady.
Odan keiıngı oryndarda İspaniia (12 200 km), Paragvai (11 142 km), Şveisariia (10 912 km) jäne Kolumbiia (10 860 km) ornalasqan.
Aǧylşyndardyŋ negızgı oqu-jattyǧu bazasy AQŞ-tyŋ Kanzas-Siti qalasynda ornalasqan. Alaida komanda būl qalada bırde-bır match ötkızgen joq. Toptyq kezeŋde olar Dallas, Boston jäne Niu-Iorkte öner körsetse, plei-offta Atlanta men Mehikoda oinady. Soǧan qaramastan, Angliia futbol qauymdastyǧy qūramanyŋ bazasyn özgertpei, Kanzas-Sitide qaldyru turaly şeşım qabyldaǧan.
