Fýtbol tarıhynda aty ańyzǵa aınalǵan Peleni qaterli isik dendep bara jatyr. Jaǵdaıy aýyr brazılııalyq fýtbol sańlaǵy otbasy jáne jora-joldastarymen qoshtasyp, ólimdi sanaly túrde qabyldaýǵa bekindi, dep habarlaıdy "Adyrna" ulttyq portaly.
Peleniń tóńiregimen túgel qosh aıtysqany jaıly brıtanııalyq kásipker, sport menedjeri Frenk Halıd Twitter-de jazdy.
"Aýrýhana tósegine tańylǵan Pele otbasymen jáne dostarymen qoshtasty. Fýtbol ańyzy Pele qaterli isikpen kúreste jeńilip, álsirep bara jatyr. Otbasy Peleniń jaǵdaıy kúnnen kúnge nasharlap bara jatqanyn aıtady", - dep jazdy Frenk Halıd.
Peleniń boıynan qaterli isik belgileri byltyr anyqtaldy. 82 jastaǵy brazılııalyq hımıoterapııadan ótken, biraq keıin munyń áseri bolmaǵan. Osydan soń onyń jaǵdaıy birtindep nasharlaı bastady jáne 29 qarashada ol testileý jáne emdeý kýrsyn qaıta taǵaıyndaý úshin aýrýhanaǵa jatqyzyldy. Ol Rojdestvony aýrýhanada ótkizýge májbúr boldy.
Oqyrmandarǵa derek bere keteık, Pele (Edson Arantes do Nasımento) — áıgili brazılııalyq fýtbolshy, úsh dúrkin álem chempıony (1958, 1962, 1970). Pele Halyqaralyq olımpıada komıtetiniń uıǵarymy boıynsha XX ǵasyrdyń sportshysy dep moıyndaldy. "Santos" jáne "Nıý-Iork Ǵarysh" klýbtarynda oınaǵan. Brazılııa quramasynda 92 match ótkizip, 78 gol soqqan sport sańlaǵy.
"Adyrna" ulttyq portaly
